Lucas 3:22 - Tradução Bíblica Pacaas Novos

²² Quiji' hwet ac con na Tamataracon Iri' Jam. Ac xucu' na cwerein. Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Lucas 3:22 Iomraidhean Croise

Mateus 12:18

Noro jun wari' ne co tora' ta' cwa', co taramaja mi' napa' cwa'. Om ca noc ton. Hohot tamana napa'. Mi' ton pain Tamatara. Pijim' totoron oro wari' pain oro xijein macan'. Oro wari' co om judeu nana ma', tomi' hwet pan ac tococwa tara pain ca ara xo' ne ca', pain ca main wap ton toton oro wari' co pan teretem nana ma'.

Mateus 17:5

Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Mateus 27:43

Howa inon Iri' Jam ta na. Je xi to' witan ho' con quem? Tara con. Am xiram pa' con. Xi Panxica Iri' Jam ina ara ca ta na ca tomi' ximama' nucucun ma'.

Mateus 3:13

Maqui' ac cain na macarain Galileia Jeju ma'. Hwet ac cain na Jordão ma'. Ma' ta ja' capa' pain com João ta na.

Mateus 3:16

Ja' pin iri ta ne, hwet ca' ac cain na com. Ane ane pa ac ne na nanawin. Querec ac cain na Tamataracon Iri' Jam pain ca quiji' hwet con ma'. Ac ca quiji' qui' ca xucu' na pain ca quiji' hwet con ma', pain ca xat con ma'.

Mateus 3:17

Tomi' pan ac con na Iri' Jam. Maqui' nain pawin ca tomi' nucun. Mon cwa' panxita' co om noc camain' ta' cwa'. Hohot tamana napa' ta na ca tomi' con ma'.

Marcos 1:11

Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Marcos 1:9

Pain oro xec nein ca ja' qui' cocon pain com oro wari' João pain cara pane, maqui' ac cain na Nazaré Jeju. Maqui' nain Nazaré ca pe nain macarain Galileia. Ja' ac tocwa na pain com. Wirico João co ja' non. Ja' pe non pain Jordão ma'.

Marcos 9:7

Hwet qui' ac ne na tajain nanawin. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' Panxita' co om noc camain' ta' cwa'. Taraju wet jun ta na ca tomi' nucun.

Lucas 2:14

Tomi' querec te tomi' querec te pi' pin nonon Iri' Jam oro co to nanain iri' pawin cain. Toron toron om pin tara ximicocon oro wari' co xiram pa' pan ca pain macan' ca' quem na ca tomi' caca ma'.

Lucas 4:21

Tomi' ac tococwa na: Je i ca' xec nein ca win hwet pin ne capijacon Iri' Jam ca xirao' pe xine pane, ca xo' taraju hwe ca' ne na ca tomi' nucun ma'.

João 1:32

Tomi' ac tococwa na: Querec inain Tamataracon Iri' Jam pain ca quiji' qui' nein pawin pane. Ac ca quiji' ca xucu' cwa' na pain ca quiji' qui' nein pawin. Quiji' quiji' xat ho' ac con na Jeju.

João 12:28

An hwet pe rain ca hwara' opa nem pain ca awi tamana nem ta Te ac ca na quem. Taraju ac urut pain na ca tomi' wa ma'. Maqui' nain pawin. Wara an hwet pe inain ca hwara' opa ne pain ca awi tamana ne ca' na. An hwet pe mami' ac tain tara quem. Ac i ma' na ca tomi' wa ca maqui' nain pawin.

João 5:37

Te ma', co hwet roron oro wari' ta napa' pane, tomi' hwet pan napa' pahu' quem. Om ca taraju camain' hwein iri' ca tomi' nucun, om ca querec pin' hun quem.

Atos 10:38

Taxi' hun Jeju co maqui' nain Nazaré, taxi' hun pain ca mi' con pain Tamataracon Iri' Jam, je pain ca mi' con pain ca hwara' opa nucun quem. Taxi' hun pain ca xut mao cain oro xijein cidade pane, pain ca tama' xiram pa' cocon oro wari', je pain ca tama' quep xio cocon oro wari' co ximin nana con Caxicon Jam quem. Ha' non Jeju pain ca ara ac i ma' ca pane, xi om ne ca pe ho' pan ara con Iri' Jam ta.

Colossenses 1:13

Xi wirico ara ca co to' witan ca' napari' con Caxicon Jam ma', co taramaxicon pe nain ca jitacat nein xim ma'. To' witan ca' napari' con, an to pin ac capari' na pain ca taramaxicon pe ca Panxica co om noc ca ma'.

1Pedro 2:4

Wixicam pin hun Taramaxicon nexi' Jeju co an xiho' nain pacun ca e' ma', ca to' teren nain xirim. Noc urut pum ta paxi' nonon oro wari' pane, ane tora' pan con Iri' Jam ne. Hohot tamana ara xi' mapa' ta non pane.