Lucas 3:2 - Tradução Bíblica Pacaas Novos

² Anás con Caifás ma', wiricoco co iri' taramaxicon nana pain ca sacerdote to cacain Jerusalém ma' quem. Je i ma' cawaxi' con Iri' Jam pane, pain ca xo' tomi' con João panxica Zacarias pane. Tomi' pe non pain mahweri. Pijim' ho' rain capija ta non.

Lucas 3:2 Iomraidhean Croise

Mateus 11:7

Mama' iri nana co taxipa' ca João ne, tomi' ac cocon na oro wari' Jeju. Tomi' mi' nonon con João. Ma' carawa ca querec xi' hwe pain ca mama' hwein mahweri pane? Querec xun hun wari' co pijim' ximao ra, co an xiho' nain caji quiwo' ca meo ximao pain hotowa ra? Om na.

Mateus 26:3

Cut in ac xucucun na oro sacerdote co taramaxicon nana ma', cocon oro taramaxicon nuxut pain ca judeu urut ma' quem. Cut in xucucun pain cote ne xiricon sacerdote co iri' taramaxicon ma'. Caifás na wixicon.

Marcos 1:2

Win ne ca xirao' pe ca profeta Isaías cara pane. Ca' na con pane: Main tomi' ton wari' co tomi' hwet tain nain capija. Tomi' ca' ton pum: O ra ta ton. Wara quep xo' tarain wanajum.

Lucas 1:80

Hwara' hwara' ac ca na pije' ma'. Ca hwara' hwara' ca ma', ca hwara' opa pin ca pain ximicon ma' quem. Pe taxipa' nain mahweri pane. Pe pe maqui' pa' ac con na xec nein ca pijim' pin cocon oro wari' pane quem.

João 1:23

Wata' co xirao' pe ca profeta Isaías cara pane ac tococwa na. Ca' na ca tomi' ca pane: Wata' co merem pe nain mahweri. Quep tan pan mi' jun pain wana Taramaxicon nuhu' inonon oro wari'. Ac i ma' na ca tomi' tococwa ma'.

João 18:24

O mi' jun con Caifás ma', co sacerdote co iri' taramaxicon ma' ac ca na Anás, an mao ac cocon na oro guarda. Pao' pe cara nonon.

Atos 4:6

Ma' na sacerdote co iri' taramaxicon ma' quem, wirico Anás ma'. Ma' na Caifás con João con Alexandre, ma' nana oro xucucun co nari nonon Anás ma' quem. Cut in ac xucucun na.