Lucas 3:19 - Tradução Bíblica Pacaas Novos

¹⁹ Pan to' nain taraxicon Herodes ma', co taramaxicon ma'. Xi om ne ca an pin ara cam Herodias ma', co narima' ne ca coxa' ca ma'. Ma' na oro xijein ca om awi wa ca ara ca quem, je ca pan to' cain taraxicon.

Lucas 3:19 Iomraidhean Croise

Mateus 11:2

Wara tao' pe ta pain xirinain ca tao' to tao' to to wa João ma', co ja' taxipa' nonon pain com oro wari' pane. Je ca taraju pe con Jeju ma' quem: Awi tamana na oro ca ara ca Jeju ta na ca taraju nucun. Taraju iri nain ne, tomi' ac tococwa na co taxipa' ca ma'. Mo tomi' jun Jeju e'.

Mateus 14:1

Om ca pain homa ne, taraju ac ca na taramaxicon Herodes ma', taraju nain oro ca tomi' hwet nucucun oro wari' con Jeju.

Mateus 14:6

Aram aram maqui' ac ne na xec nein ca mam' pe wet cacain ca pan' qui' nucun Herodes pane. Cut in ac xucucun na, wirico Herodes, wiricoco oro win ma' ca quem. Tomi' querec te xi' e' ac xucucun na, corom ac cama na cainacam Herodias ma'. Pi' xirao' in pi' xirao' in pe ac camain na ca xao to morojam' to caca ma'. Tomi' querec te tamana nam Herodes ma'.

Lucas 3:1

Pain pin iri na ne, pain ca ma' 15 pin ne cawaxi' pain ca taramaxicon pe cain Roma Tibério César pane, taramaxicon pe nain Judeia Pôncio Pilatos. Taramaxicon pe nain Galileia Herodes. Taramaxicon pe nain Itureia je Traconites Filipe, coxa' ca Herodes. Taramaxicon pe nain Abilene Lisânias ma' quem.

Lucas 3:18

Ac i ma' na ca hu cocon oro wari' João pane. Ma' na oro xijein ca pijim' nucun pain ca hu cocon quem. Pijim' mi' nonon pain capijacon Iri' Jam ca tomi' hwet napari' con wari' nucun co to' witan ton nonon quem.