Lucas 3:16 - Tradução Bíblica Pacaas Novos

¹⁶ Ane tomi' xo' ca' cocon João ne: Ja' paxi' inuhu' pain com ta, ane maqui' ta' ca xucun co hwara' opa tiquin' ca' napa' ne. Iri' wari' na. Om ca hohot ne pain ca taramaja mi' ton, om xi quep xiho' camain' ton pain ca tacom' mi' ton pain macorinain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Lucas 3:16 Iomraidhean Croise

Mateus 3:11

Ja' inuhu' pain com, xi om ne ca cwirin' pin ara hwe ta ac tococwa na. Wara maqui' paxi' ina, ane maqui' ta' pa'ao' ca xucun co hwara' opa tiquin' ca' napa' ne. Iri' wari' na quem. Om ca hohot ne pain ca quep xiho' camain' ton pain ca cut mi' ton pain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Mateus 3:12

An to ni ca' toton nonon oro co tomi' ha' nonon cocon oro co om tomi' ha' nonon quem. Win ca wari' co an pe ni ca' tain nain ca xao pe xine tocwi trigo pain tocoxi ma' quem. An nain ca mam' pahop nucun, pahop ac cain na tocoxi, an pe ni ac cain na iri' tocwi pain xirinain, wixicaracao' mi' ac cain na tocoxi pain xe ca om jo' ra ha' ma' quem na ca tomi' cocon oro wari' João pane.

João 1:26

Ja' paxi' inonon pain com oro wari' ta ac tococwa na. Ane ma' ca xucun co pe ho' nuhu' cwa' ne. Om ca querec pin' hun.

João 1:27

Wirico co wara tomi' hwet xuhu' pane. Tomi' ca' inuhu': Wara maqui' ina. Maqui' ta' pa'ao' na xucun na ca tomi' xuhu' con pane. Iri' wari' na. Om ca hohot ne pain ca tacom' mi' ton pain macorinain caji caximacon ma', xi iri' wari' ta' ta na ca tomi' tococwa ma'.

João 1:33

Om paxi' na ca querec pin' ton ira ac ca na. Ane wara tomi' pe capa' Iri' Jam ne. Ja' roron pain com oro wari' ta napa' pahu' pane. Ca' napa' pane: Main querec ron wari' co quiji' xat pe ne Tamatara ta. Wirico tara co mi' toton nonon pain Tamatara oro wari' ta napa' pane. Ma' ta to' xucun wari' pin tococwa ta napa' pane.

João 7:38

Win ne ca xirao' pe xine capijacon Iri' Jam ca': Wari' co howa napa', weweweo qui' ac nein ximicon tara ca hoi hoi ne com ca mi' nain ca e' cara wa ta na ca xirao' pe nein na ca tomi' tococwa ma'.

Atos 1:5

João cara pane, ja' nonon pain com oro wari'. Wahu' iri tara ne, om ta pain homa ne, mi' ac xihwe tara pain Tamataracon Te. Ac i ma' na ca tomi' tococwa.

Atos 10:44

Pijim' pijim' wet na Pedro ma', ane ane hwet pa' ac cocon na Tamataracon Iri' Jam. Pe ho' mip pe ho' mip xam' tata oro wari' co taraju nonon ma'.

Atos 2:33

An piri' mao non pain pawin Iri' Jam quem. Xao pe ho' ne pain iri' cwere ca', xi querec awi tamana ara mapa' ta arain ac con na. Mi' ac con na pain Tamataracon ca wara tomi' pe ca pane. Je ca maqui' ne pain xocori ca' quem. Mam' naparut pain Tamataracon Cote ca. Je ca querec hwe ca', je ca taraju hwe ca' quem.

1 Coríntios 12:13

Ac i ma' iri' pain ca curucun Cristo iri' quem. Mija paxi' iri'. Ma' nana co judeu nana. Ma' nana co om judeu nana. Ma' nana co taramaja mi' e' nonon oro xucucun wari'. Ma' nana co om taramaja mi' nonon oro xucucun wari'. Mija paxi' iri', ane cut corom to cut corom to xam' capari' pain curucun Cristo Tamataracon Iri' Jam ne. An xiho' nain ca ja' iri' com pane, pain ca cut corom to mi' capari' pain curucun Cristo. Ma' xica' pe na Tamataracon Iri' Jam ca cut corom to mi' napari' pain curucun Cristo, om na xijein. Pe ho' pe ho' xam' napari' quem.