Lucas 3:14 - Tradução Bíblica Pacaas Novos

¹⁴ Ma' ac caca na oro soldado co tomi' querec ca' nonon ma' quem: Warut quem? Cain' cain' xuxut quem ac cocon na. Om na, ta to' jin' huhun oro wari' me, ta tomi' ca' huhun me: Mo ta mi' maparut pain dinheiro, om ta quep em' urut pahu', om ta mixein urut pahu', ta to' jin' ac i ma' camain' huhun me ta. Na e' na pain ca hohot na ta hwein dinheiro ca cut hwe pain ca taramaja nuhu' ma' quem ac tococwa na.

Lucas 3:14 Iomraidhean Croise

Mateus 8:5

Mao ac cain na Cafarnaum Jeju ma'. Wa' mao iri na ne, xut hwet ac con Jeju na taramaxicon nucucun oro soldado ma'. Romano na. Ma' 100 nana oro soldado co taramaxicon ne nonon. Tomi' ac con na: Taramaxicon ne. Caxi tamana na wari' ne co taramaja mi' e' napa'. Carama pe na, om ca meo mami' ca pain ca caxi tamana nucun. Terem' e' na, terem' pe nain xuru cain. Jain jain na pain ca caxi tamana nucun ta non.

Lucas 19:8

Ane tequi' pe ca Zaqueu ne, tomi' ac con na Taramaxicon nexi': Taraju wet ne e' Taramaxicon ac con na. Oro caramaju ca', an to ni an to ni tain, 2 tara ca an to ni nein pata'. Wirain ca pe ho' xim napa', an xiho' tarain wirain ca mi' toton oro wari' co ximin nana ma', co om nonon carawa. Oro wari' co an noc xa ta' pane quem, pain ca cut noc xa 100 tain dinheiro nucun xucun pane, cut in mi' 400 ac ton pain tara. Pain ca cut noc xa 1.000 tain dinheiro nucun xucun pane quem, cut in mi' 4.000 ac ton pain tara quem na ca tomi' pe con ma'.

Lucas 3:10

Cain' cain' xuxut quem ac cocon na oro wari'.

Lucas 3:13

Om na, pagar jein imposto nuhu' iri jujun oro wari' ne, ta cut in tiquin' ca' hwein dinheiro nein ca cut in jein cucuhu' oro taramaxicon me ac tococwa na.

Atos 10:7

Mao iri na jam co tomi' non ma' ne, harahap je ac tococwa na wari' nucun co taramaja mi' nonon ma'. Ma' 2 nana. Tomi' ac tocwa na soldado co quep xiho' non ma' quem, co xut xo' pain ca win xumu e' cain ca param nucun Iri' Jam ma' quem.

Filipenses 2:15

Ma' ta querec pin' xihwe pain ca xumu xo' nuhu' ma', pain ca om hwet ne wuxuhu' pain ca caracat wa ma'. To ho' paxi' huhun oro caracat co pan teretem nana ma', co ara taxipa' nanain oro ca om awi wa ma'. Ane om hohot camain' ne pain ca ma' cuhu' oro ca to' em' nuhu' pain ca caracat wa pain ca mana panxica Iri' Jam hwe ne. Ac oro pijo' co toha to nain pawin je. Ac ca toha mi' huhun tara pain naran ma', to' querec pin' jujun pain ca xuruxut xo' wa ta.

Filipenses 4:11

Pain ca tomi' ac i ma' xuhu' ca', om ca xiram pa' xirarapa' pain ca ximin ne na xuhu', om na. Tomi' hwet e' inuhu' pain ca coromicat ne ca'. Xi om ne ca taxi' pin ara ton Iri' Jam pain ca querec wet pan capa' ta. Ma' iri napa' carawa ne, tomi' querec te ac ta' na. Om iri napa' carawa ne, tomi' querec te ac ta' na quem, je je ari na pata'.

Tito 2:3

Ac i ma' raram oro narima' co wara tiquin' mama' cawaxi' nequequem ma' quem. Tomi' ca' raram: Pain ca xuruxut nuhu' ma', xuruxut xo' je, ma' ta querec pin' xihwe pain ca howa hun Iri' Jam ta raram. Ta tomi' napat huhun oro wari' me ta raram. Ta toc tamanain to hwein comi uva ca mana' me ta raram. An hwet mi' jejem pain ca awi wa

Apocalipse 12:10

Taraju ac tain na ca tomi' wa ca maqui' nain pawin. Tomi' mip ca' na: Maqui' pin iri na xec nein ca to' witan pin toton oro wari' ne ta na Iri' Jam nexi', je pain ca tomi' joc mam' mi' cain ca hwara' opa nucun, je pain ca Taramaxicon pin ca ca'. Maqui' pin iri na xec nein ca tora' ca Cristo ma' quem, pain ca hwara' opa pan ca pain ca Taramaxicon pin ca ca'. Xi xin hwet pin ara tocwa co ma' co xina non Iri' Jam ma', co tomi' em' taxipa' nonon oro xerexi' pain xec je pain xim quem.