Lucas 3:13 - Tradução Bíblica Pacaas Novos

¹³ Om na, pagar jein imposto nuhu' iri jujun oro wari' ne, ta cut in tiquin' ca' hwein dinheiro nein ca cut in jein cucuhu' oro taramaxicon me ac tococwa na.

Lucas 3:13 Iomraidhean Croise

Mateus 7:12

Je ca tomi' xuhu' ca': Oro ca ara mi' ma' tatarapari' ne huhun oro wari' ma', je i ma' tara ca ara mi' huhun quem. Wari' co ara ac i ma' ma', ac ca tomi' ha' pi' pin cain na oro ca xirao' nucun Moisés cocon oro profeta cara pane. Ac i ma' na ca tomi' tococwa ma'.

Lucas 19:8

Ane tequi' pe ca Zaqueu ne, tomi' ac con na Taramaxicon nexi': Taraju wet ne e' Taramaxicon ac con na. Oro caramaju ca', an to ni an to ni tain, 2 tara ca an to ni nein pata'. Wirain ca pe ho' xim napa', an xiho' tarain wirain ca mi' toton oro wari' co ximin nana ma', co om nonon carawa. Oro wari' co an noc xa ta' pane quem, pain ca cut noc xa 100 tain dinheiro nucun xucun pane, cut in mi' 400 ac ton pain tara. Pain ca cut noc xa 1.000 tain dinheiro nucun xucun pane quem, cut in mi' 4.000 ac ton pain tara quem na ca tomi' pe con ma'.

Lucas 3:12

Ma' nana co cut in taxipa' nanain oro imposto ca pagar je tococwa oro wari' ma'. Hwet nonon João quem, xi om ne ca ja' taraparut pain com ta ara cocon ta. Cain' cain' xuxut quem taramaxicon co ca' na taxipa' capijacon Iri' Jam ac cocon na.

Lucas 3:14

Ma' ac caca na oro soldado co tomi' querec ca' nonon ma' quem: Warut quem? Cain' cain' xuxut quem ac cocon na. Om na, ta to' jin' huhun oro wari' me, ta tomi' ca' huhun me: Mo ta mi' maparut pain dinheiro, om ta quep em' urut pahu', om ta mixein urut pahu', ta to' jin' ac i ma' camain' huhun me ta. Na e' na pain ca hohot na ta hwein dinheiro ca cut hwe pain ca taramaja nuhu' ma' quem ac tococwa na.

1 Coríntios 6:10

oro wari' co cut noc xa nanain carawa ma', oro wari' co narain ho' xucucun pain carawa pain ca param ximama' nucucun ma', oro wari' co tama' toc tamanain to nanain caji tocwa ca mana' ma', oro wari' co tomi' ximama' nonon oro win ma' caca ma', oro wari' co quep em' nonon waximain carawa pain ca cut noc xa ca' cocon pain, om ta to ho' cocon Iri' Jam pain ca taramaxicon pe nucun ta.

Efésios 4:28

Wari' co wara an noc xa pane, om ta an noc xa mami' ca quem. Taramaja xo' tara. Ma' ta cut ca dinheiro pain ca taramaja nucun. Ma' ta ma' con carawa ca mam' quep xiho' cocon co ximin nana pain ca om cocon carawa ta.

Hebreus 12:1

Noro jujun oro hwanana nexi' cara pane, co howa nonon Iri' Jam pane. Ac ca coco' coco' morojam' cacapari' na. Ac ca ja' noro cacapari' na pain ca howa iri' ca'. Mija nana, om ca paric camain' caca. Je ca na e' ne pain ca an to an to pi' pin xin oro ca to' i'ina napari' ca'. An to pin xin oro ca caracat nexi' ca quep mip napari' ca' quem. Ac oro wari' co jein hwet xin nanain tawiri wana xi'. Quereme cara xin oro ca to' i'ina xim napari' pain ca win xumu xun Iri' Jam cwa'.