Lucas 24:7 - Tradução Bíblica Pacaas Novos

⁷ Tomi' ca' nuhu' pane: Iri' Wari' paxi' ina, ane ma' caca wari' co noc nanapa' ne. Na e' na pain ca an mi' cacapa' cocon oro caracat. Na e' na pain ca tatatain mi' cacapa' pain pana quem. Ma' 3 pin iri tara xec nein ca mi' pin ne ne, na ac ne tara pain ca e' mami' ta' quem. Ac i ma' na ca tomi' cuhu' pane na ca tomi' cacam ma'.

Lucas 24:7 Iomraidhean Croise

Mateus 16:21

Je i ma' xec nein ca tomi' xo' pin caparut Jeju pane. Tomi' xo' pin naparut pain ca taxipa' urut con ca'. Tomi' ho' tomi' ho' ac caparut na. Na e' na pain ca mao tain Jerusalém ta. Wa' mao iri tain i cain ne, quep em' ac cacapa' tara oro taramaxicon nexi' pain ca judeu iri' ca', cocon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. To' jain jain tamana tatarapa', to' pa' pin ac cacapa' tara. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' xo' caparut ma'.

Lucas 24:26

Xi na e' ara ne pain ca jain jain ca Cristo pain ca mi' pin nucun ta. Aram aram mi' pan ac con tara pain ca momon taramaxicon cara wa Iri' Jam ta na ca tomi' tococwa ma'.

Lucas 24:46

Tomi' ac tococwa na: Je i ca' ca xirao' to caca pata' pane: Cristo ma', na e' na pain ca jain jain ca pain ca to' pa' pin tocwa ta. 3 pin iri tara xec pain ca mi' pin nucun ne, e' mami' ac ca tara ta na ca xirao' to caca pata' pane.

Gálatas 2:15

Tomi' tomi' tiquin' ac ton na: Judeu pan iri' pain ca wari' iri' ca', xi om ne ca judeu ara caca mana cotere' cacam waram xi' ta. Om ca an xiho' xuxun oro co om judeu nana ma', co om querec pin' nonon Iri' Jam ma'.