Lucas 24:6 - Tradução Bíblica Pacaas Novos

⁶ Om pin nain i ca'! E' mami' na ta! Mam' pe wet jein ca tomi' cuhu' pane, pain ca pe ho' pe ho' wet cuhu' pain Galileia pane.

Lucas 24:6 Iomraidhean Croise

Mateus 12:40

Win ne pain ca corom pe cain moji cote ne hwam Jonas cara pane. Ma' 3 na xec, ma' 3 na xim quem, pain ca corom pe cain moji cote ne hwam con Iri' Jam pane. Ac i ma' ta' pain ca Iri' Wari' ta' ca' quem. Corom pe tain macan'. Ma' 3 tarapa' xec, ma' 3 tarapa' xim quem, pain ca corom pe tain macan' ta.

Mateus 16:21

Je i ma' xec nein ca tomi' xo' pin caparut Jeju pane. Tomi' xo' pin naparut pain ca taxipa' urut con ca'. Tomi' ho' tomi' ho' ac caparut na. Na e' na pain ca mao tain Jerusalém ta. Wa' mao iri tain i cain ne, quep em' ac cacapa' tara oro taramaxicon nexi' pain ca judeu iri' ca', cocon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. To' jain jain tamana tatarapa', to' pa' pin ac cacapa' tara. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' xo' caparut ma'.

Mateus 27:63

Taramaxicon ac cocon na. Mam' pe wet urut pain ca tomi' nucun co pacara ne, co tama' mixein cara ne. Ca' na ca tomi' nucun pain ca e' e' wet nucun pane: Ma' 3 pin iri tara xec pain ca mi' pin ne ne, e' mami' ac ta' tara ta na ca tomi' mixein nucun pane.

Mateus 28:6

Om pin nain i ca'. E' mami' na ta. Win ne ca wara tomi' pe cain pane. Harahap je, noro jein ca terem' pe ca ira.

Marcos 16:6

Ta jin' mahu' me ta ac cacam na. Pirao' paxi' hun Jeju co maqui' nain Nazaré pane, co tatatain mi' wa pain pana pane. E' mami' na ta. Om pin nain i ca'. Noro je. Je i ca' ca an terem' pe cacain curucun pane na ca tomi' cacam ma'.

Marcos 8:31

Tomi' xo' ac tococwa na: Na e' na pain ca jain jain tamana ta' ta' ca'. Wata' pain ca Iri' Wari' ta' ca', jain jain tamana ta'. Noc tatarapa' oro taramaxicon nexi' pain ca judeu iri' ca'. Noc tatarapa' oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem. To' pa' pin tatarapa' quem. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' tococwa ma'.

Lucas 24:34

Tomi' pan ac caca na: Iri'o' na ca e' mami' ca Taramaxicon nexi' ta. Hwet pa' non Simão cwa' quem nana.

Lucas 24:5

Jin' tamana ac cacama na. Pe torotop to nana, noro quiji' mama' nanain macan' ma' quem. Tomi' ac cacam na wari' ma': Para pirao' pe hun pain manain pacun co e' mami' quem? Xi pe xica' pe ara cain i ca' wari' co mi' pin ta. Om ca pe cain i ca' wari' co e'.

Lucas 9:22

Tomi' ac tococwa na: Na e' na pain ca jain jain tamana ta' ta' ca'. Wata' pain ca Iri' Wari' ta' ca', jain jain tamana ta'. Noc tatarapa' oro taramaxicon nexi' pain ca judeu iri' ca'. Noc tatarapa' oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem. To' pa' pin tatarapa' quem. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' tococwa ma'.

Lucas 9:44

Taraju wet xine pain ca tomi' xim xuhu' ca' tata. Iri' Wari' paxi' ina. Ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma', ac i ma' paxi' na ca tomi' tococwa ma'.

Atos 2:24

Ane to' witan ca' con pain ca mi' pin cara wa Iri' Jam ne. To' e' mami' non. Xi ha' con pain ca mi' pin cara wa ta.

2 Tessalonicenses 2:5

Pain ca pe ho' pe ho' wet xuhu' pane, tomi' hwet taxipa' inuhu' pain ca in qui' ta' nucun Jeju, je pain ca ari tamana xun cocon Iri' Jam oro wari' quem. Tomi' hwet taxipa' inuhu' con caxicon wari' co iri' waximain ca caracat wa quem. Om ca mam' pe wet hwein ca tomi' ne pane ra? Mam' pe wet hwein ma' ira!