Lucas 24:51 - Tradução Bíblica Pacaas Novos

⁵¹ Pain ca tomi' tomi' wet tococwa ma', piri' ca' ac tococwa na, an piri' mao ac tocwa na pain pawin.

Lucas 24:51 Iomraidhean Croise

Marcos 16:19

Taramaxicon nexi' Jeju ma', tomi' ac i ma' iri nonon co taxipa' ca ma' ne, an piri' mao ac tocwa na pain pawin. Xao pe ho' pin ac cain na iri' curucun Iri' Jam.

Lucas 24:50

Maji ta ac ca na Jeju, o mama' ac tococwa na co howa nonon ma'. Wixicam pin iri nanain ca paric to ne xirim pain Betânia ne, cut piri' ac cain na micon, tomi' ac tococwa na: Param mi' inuhu' pain ca ara mi' cuhu' pain oro ca awi wa Te Iri' Jam ta tata.

Lucas 24:52

Pe torotop mi' querec te ac cocon na, in mama' ac cacain na Jerusalém. Tomi' querec te tamana nana.

João 20:17

Ta quep mapa' me ta Maria ac cam na. Xi hwet querec ton Te ta. Mo hwet roron xere ma', co taxipa' ta' ma'. Tomi' ca' roron: Piri' hwet ton Te co Iri' Jam ne ta' ca', co Iri' Jam ne hwe ma' quem nuhu'. Wirico co Te ta' ca' quem, co Te hwe ma' quem nuhu', ac i ma' na ca tomi' cuhu' ta roron na ca tomi' cam ma'.

Atos 1:9

Tomi' pin iri nain i ma' ne, an piri' mao ac tocwa na. Querec nana co taxipa' ca pain ca an piri' mao tocwa ma'. Piri' piri' tatep pa' ac con na tajain nanawin. Querec querec om pin ac cocon na.

Hebreus 1:3

Wirico Panxica co toha pan, pain ca an hwet pan cain ca toc meremem nucun Iri' Jam pain ca awi tamana nucun, je pain ca hwara' opa tamana nucun ma' quem. Xi iri' wirico pan ara ca pain ca Iri' Jam nucun ta. Wirico co quep xat nain oro carawa pain oro maxinain ma' quem. Tomi' e' nain, ma' ac ne na, xi hwara' opa ara ca pain ca tomi' cain ta. Hohoc pin iri napari' pain ca caracat nexi' ca' ne, xao pe ho' ac cain na iri' curucun Cote ca co hwara' opa tamana cwain, pain pawin cain.

Hebreus 4:14

Je ca tomi' xuhu' ca'. Ma' napari' sacerdote co iri' taramaxicon hwara' opa cwa', wirico Jeju co Panxica Iri' Jam cwa'. Corom hwet non Cote ca pain iri' ca pe pan ca pain pawin cain. Je ta hwara' opa cara xi' pain ca howa xun ca', pain ca tomi' hwet xuxun oro wari' pain ca howa xun quem.