Lucas 24:48 - Tradução Bíblica Pacaas Novos

⁴⁸ Je ca tomi' xuhu' ca' ac tococwa na. Pijim' jujun oro wari'. Tomi' hwet jujun pain oro ca taraju nuhu' je pain oro ca querec nuhu' ca' quem.

Lucas 24:48 Iomraidhean Croise

João 15:27

Tomi' hwet pan ac mahu' tara cocon oro wari' quem. Xi wara to ho' ara mahu' pain cara pane, pain ca xo' pijim' qui' xuhu' pain cara pane na ca tomi' caparut ma'.

Atos 1:8

Na e' na pain ca taxi' hwein i ca' ta ac tococwa na. Maqui' pa' iri turuhu' Tamataracon Te ne, mi' ac cuhu' tara pain ca hwara' opa wa. Tomi' hwet ac mahu' tara cocon oro wari' ma', co to nanain Jerusalém ca', co to nanain oro xijein cidade pain Judeia ma', co to nanain oro xijein cidade pain Samaria ma', co to nanain oro xijein macan' pain pira ma' quem, tomi' hwet ac mahu' tara cocon ta. Ac i ma' na ca tomi' tococwa ma'.

Atos 10:39

Querec querec pi' pin urut pain oro ca ara ca Jeju pane. Oro ca ara pe cain macaraxut pain ca judeu urut ca', je pain Jerusalém ma' quem, tomi' hwet mi' urut cocon pain oro wari'. Je ca to' pa' pe tocwa quem. Tatatain mi' ta pain pana pane.

Atos 10:41

Om ca querec querec pi' pin cocon oro wari', om na. Xica' to urut pain ca querec urut con pain ca e' mami' nucun. Xica' to urut pain ca querec urut con pain ca cao' to ho' urut con quem. Xi om ne ca wara tora' ara caparut Iri' Jam pain ca tomi' hwet jujun oro wari' pain ca querec hun ta caparut pane ta.

Atos 13:31

Querec ac tocwa na quem. Mija na xec pain ca hwet pa' ho' hwet pa' ho' tococwa co taxipa' ca pane, co ja' ja' nonon pain ca maqui' wi cocon pain Galileia pane, pain ca tan' mama' cacain Jerusalém pane quem. Wiricoco co tomi' hwet nonon con oro wari' cwa'.

Atos 2:32

To' e' mami' con Jeju Iri' Jam ma' ira, iri'o' ta. Xi querec ara urut con pain ca e' mami' nucun ta. Querec querec xam' urut con pain ca taxipa' urut con ca'.

Atos 22:15

Tomi' hwet ne cocon oro wari' ta ara xi' nem. Tomi' hwet tomi' hwet xam' roron pain oro ca querec ma pata', je pain oro ca taraju ma pata' quem nem.

Atos 3:15

To' pa' pin iri nonon Jeju oro soldado ne, ac ca to' pa' pan hun na. To' pa' pin hun ma' ira! To' pa' pin hun co ma' co to' e' napari' cwa', co mi' xim napari' pain ca e' cara wa pain pawin ta. Ac i ma' paxi' hwe, ane to' e' mami' con Iri' Jam ne. Querec urut con pain ca e' mami' nucun quem.

Atos 4:33

Pijim' hwara' opa tamana nana oro apóstolo pain ca pijim' pijim' tiquin' cacain ca e' mami' nucun Taramaxicon nexi' Jeju. Iri' Jam ma', quep xiho' tamana nonon co howa nonon Jeju ma' quem. Quep xiho' quep xiho' pi' pin nonon.

Atos 5:32

Je ca tomi' hwet taxipa' urut ca'. Tomi' hwet urut cocon oro wari' pain oro carawa ca ara non Jeju pane. An hwet mi' nonon pain Tamataracon Iri' Jam quem. Iri' Jam ma', wirico co mi' nonon pain Tamataracon oro wari' co tomi' ha' nonon ta. Ac i ma' na ca tomi' cocon oro taramaxicon Pedro con João ma'.

1Pedro 5:1

Je ca tomi' xuhu' pain ca querec wet huhun oro co howa nonon Jeju ma'. Tomi' mip inuhu', xi om ne ca querec wet pan ara toton oro co howa nonon Jeju pain i ca' ta. Tomi' hwet inonon oro wari' pain ca jain jain nucun Cristo, jao jao ma' ton pain ca an hwet pe xine ca awi nucun pain ca hwara' opa nucun quem.