Lucas 24:44 - Tradução Bíblica Pacaas Novos

⁴⁴ Je ca tomi' xuhu' pain ca pe ho' pe ho' wet xuhu' pane ac tococwa na. Na e' na pain ca hwet pin ne oro capijacon Iri' Jam pata'. Oro ca xirao' nucun Moisés cocon oro profeta, je pain Oro Tamara' quem, na e' na pain ca hwet hwet pi' pin ne pata' ac tococwa na.

Lucas 24:44 Iomraidhean Croise

Mateus 1:22

Je Tamataracon Iri' Jam ca mi' nam pain ca nam' wa pane. Ma' ta hwet ne capija ca wara tomi' pe ta' pane, pain ca tomi' hwet rain ta ton profeta pane na Iri' Jam. Ca' na con:

Mateus 16:21

Je i ma' xec nein ca tomi' xo' pin caparut Jeju pane. Tomi' xo' pin naparut pain ca taxipa' urut con ca'. Tomi' ho' tomi' ho' ac caparut na. Na e' na pain ca mao tain Jerusalém ta. Wa' mao iri tain i cain ne, quep em' ac cacapa' tara oro taramaxicon nexi' pain ca judeu iri' ca', cocon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. To' jain jain tamana tatarapa', to' pa' pin ac cacapa' tara. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' xo' caparut ma'.

Mateus 26:54

Ane om na capa' pain ca quep xiho' ne ton ne. Mo xi quep xiho' ne ton, pan' am ac ne xira ca xirao' to caca oro profeta co wara tomi' pe nanain carawa ca ara xim napa' ta na ca tomi' con win ma' nuxut ma'.

Mateus 26:56

Je i ma' pahu' ta ac tococwa na. Oro ca ara napa' ca', ca xirao' to caca oro profeta pain capijacon Iri' Jam pane, na e' na pain ca hwerehwet pin ne pain xocori ca', ac i ma' na ca tomi' tococwa ma'. Paca' ac urut con na Jeju pain ca taxipa' urut con ca'. Jein mama' jein mama' pi' pin urut.

Marcos 9:31

Xi om ne ca ca' na ara tococwa pain capijacon Iri' Jam co taxipa' ca ma'. Tomi' ac tococwa na: Iri' Wari' paxi' ina. Ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa'. To' pa' pin ac cacapa' tara quem. Ma' 3 pin iri tarapa' xec pain ca mi' pin ne ne, to' e' mami' ac capa' tara Iri' Jam ta, ac i ma' paxi' na ca tomi' tococwa ma'.

Lucas 21:22

Xi wap xun ara tococwa oro wari' nein Jerusalém ta. Je i ma' tara oro xec nein ta. Win ne ca xirao' to xine pain capijacon Iri' Jam pane, hwet pin ho' tara con ta.

Lucas 22:37

Xi na ara ne pain ca hwet pin ne ca xirao' pe xine capijacon Iri' Jam ta. Ca' na ca xirao' pe nein: Ac ca caracat ca na cocon, xi to' pa' wi ara cocon cocon oro caracat ta na ca xirao' pe nein. Je ca tomi' xuhu' ca' ac tococwa na. Na e' na pain ca hwet pin ne ca xirao' pe nein pata'. Hwet pin ta' na ca xirao' pe nein pata' na ca tomi' tococwa ma'.

Lucas 24:46

Tomi' ac tococwa na: Je i ca' ca xirao' to caca pata' pane: Cristo ma', na e' na pain ca jain jain ca pain ca to' pa' pin tocwa ta. 3 pin iri tara xec pain ca mi' pin nucun ne, e' mami' ac ca tara ta na ca xirao' to caca pata' pane.

Lucas 9:22

Tomi' ac tococwa na: Na e' na pain ca jain jain tamana ta' ta' ca'. Wata' pain ca Iri' Wari' ta' ca', jain jain tamana ta'. Noc tatarapa' oro taramaxicon nexi' pain ca judeu iri' ca'. Noc tatarapa' oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem. To' pa' pin tatarapa' quem. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' tococwa ma'.

Lucas 9:44

Taraju wet xine pain ca tomi' xim xuhu' ca' tata. Iri' Wari' paxi' ina. Ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma', ac i ma' paxi' na ca tomi' tococwa ma'.

João 3:14

Win ca Moisés cara pane, pain ca quio caxi cocon oro wari' oro caxicon em' pain mahweri pane ac con na. An wa nain arain too ca quep an xiho' con em', an piri' xat ac cain na pain pana quem. Ma' ta xio pin hwe pain ca noro hwein ta tata oro wari' co quio caxi wawa pane. Ac i ma' tatarapa' oro wari' co noc nanapa' pain ca Iri' Wari' ta' ca' quem, na e' na pain ca an piri' xat xim cacapa' pain pana.

João 5:39

Noro tamana paxi' hwein capijacon Iri' Jam ca xirao' pe xine ma'. Coromicat ac hwe na: Mo ta noro xin capijacon Iri' Jam ca', mam' ac xin tara ca om pi' ra ha' ne ca e' wa pain pawin ta paxi' na ca coromicat nuhu' ma'. Je capijacon Iri' Jam ca tomi' hwet pan napa' quem.

João 5:46

Mo xi howa iri'o' hwein ca xirao' nucun Moisés cara pane, howa ac mahu' xira pain ca tomi' xuhu' pain xocori ca' quem. Xi om ne ca xirao' pe ara capa' ta.

Atos 13:33

je ca win hwet pin ne con. To' e' mami' non Jeju Iri' Jam. Ac i ma' na ca ara pin cain oro ca wara tomi' pe nucun pane. Ara mi' pan napari' pain, pain ca waram wina cacapari' oro hwanana nexi' ca' quem. Win ne ca xirao' pe xine pain capijacon ma', pain Salmo capítulo 2 ma'. Ca' na con: Panxita' inem. Je ca an hwet mi' toton oro wari' pain xec ca'. An hwet mi' inonon pain ca iri' Te mapa' ca'. Ac i ma' na ca xirao' pe xine ca tomi' nucun pain capijacon Iri' Jam.

Atos 13:40

Je ca tomi' xuhu' ca': Ma' tara xumuhu' me, ma' ta om hwet cuhu' ca xirao' to cacain ca tomi' nucun Iri' Jam oro profeta pain cara pane.

Atos 2:27

Om ta an pe mapa' pain ca to pan caca co wara cono' nana. Om ta miri'om mapa' pain ca Iri' Wari' ta' ca', pain ca win xumu xim pain ca tama' tomi' ha' xim ca'. Nain ho' xim mapa' pain ca cunu mao ne cwere.

Atos 3:18

Wahu' paxi' na co to' pa' non pane. Ane ara pan cain ca wara tomi' pe nucun Iri' Jam ne. Ac i ma' na ca hwet pin ne capijacon ca xirao' to caca oro profeta pane. Jain jain tamana tara pain ca to' pa' pin tocwa Cristo ta na ca xirao' to cacain ca tomi' pe nucun Iri' Jam pane.

Atos 7:37

Wirico Moisés co tomi' nonon oro hwanana nexi' pain ca wari' nein Israel iri' quem. Tomi' ca' nonon pane: Main mi' turuhu' con profeta Iri' Jam ma'. An xiho' tarapa' pain ca profeta ta' ca'. Iri' win ma' nuhu' tara ta nonon.

Hebreus 10:1

Oro ca xirao' nucun Moisés cara pane, an xiho' wijimain e' nain oro ca ara mi' xim capari' pain ca awi wa Iri' Jam cwa'. Om ca an xiho' iri'o' nein, tomi' joc mam' mi' e' napari' pain, ac ca querec tocohon e' xin na quem. Noro jujun oro co wixicam xun nonon Iri' Jam pain ca tom tain' mi' paxi' cocon pain winacocon ma'. Tom tain' ho' tom tain' ho' paxi' nanain pain oro xijein cawaxi' quem. Ane om to' hohot pin ac tococwa ne. Om ca to' hohot camain' tococwa pain ta.

Hebreus 3:5

Je ca tomi' xuhu' ca'. Moisés cara pane, ara xo' taxipa' nain oro ca taramaja nucun pain ca querec wet cain xiricon Iri' Jam. Oro ca taramaja xo' nucun pane, tomi' joc mam' mi' nain oro ca main an hwet mi' xim capari' Iri' Jam cwa'.

Hebreus 7:1

Melquisedeque cara pane, wirico co taramaxicon pe ho' nonon oro wari' co to nanain Salém. Sacerdote na quem, taramaja mi' non Iri' Jam co Iri' Taramaxicon pan. In qui' iri na Abraão cocon oro wari' nucun pane ne, pain ca mixita qui' cocon oro taramaxicon pain ca to' quiji' qui' cocon pane, xut hwet pan ac con na Melquisedeque, tomi' mi' ac con na con Iri' Jam. Xiram pa' ron, ara mi' ron pain oro ca awi wa ta non.

Hebreus 9:8

Ac i ma' na ca taramaja caca oro sacerdote pain cara pane, pain ca taramaja to cacain xiricon Iri' Jam ca pe nain macan' pane. Je ca mam' to' querec pin' capari' Tamataracon Iri' Jam pain i ca' quem. Tomi' xo' ca' napari': Pain ca taramaja to taramaja to wet cacain Maxinain Caramaxicon Iri' Jam ma', ca pe in qui' ma', om ca pa querec ne wanaji Iri' Maxicon cain.

1Pedro 1:11

Taraju pa' xixi' na nanain ca tomi' nein Tamataracon Cristo ca pe ho' nonon pane, pain ca tomi' ca' tococwa pane: Jain jain tamana iri tara Cristo ne, awi tamana ac ne tara oro ca aram aram ara ton non ta, ac i ma' na ca tomi' tococwa pane. Ma' xec ca tomi' mi' ne quem, cain' cain' xira quem ac caca na pain ca noro cacain capijacon Iri' Jam pane.

Apocalipse 19:10

Pan' hwet ac ton na pain caximacon jam co taramaja mi' non Iri' Jam. Ma' ta pe torotop mi' querec te ton inon ira. Ane tomi' capa' ne: Ta pe torotop mi' querec te mapa' me ta. Xi ac wum ara ta' ta, taramaja mi' e' inon Iri' Jam. An xiho' inem, an xiho' inonon oro win howa ma ma', co win xumu cara nonon Jeju ma', pain ca om an to camain' cacain oro ca tomi' hwet xine con. Pe torotop mi' querec te pan ron Iri' Jam ta! Xi wirico pan ara ca Jeju co tomi' hwet iri' pain ca pijim' hwet xuxun con oro wari' ta. Ac i ma' na ca tomi' capa' jam co taramaja mi' non Iri' Jam.