Lucas 24:36 - Tradução Bíblica Pacaas Novos

³⁶ Pain ca tomi' tomi' wet xucucun ma', hwet qui' ac ca na Jeju. Xat pe nain ximijacocon. Ta toron ne xumuhu' me ta ac tococwa na.

Lucas 24:36 Iomraidhean Croise

Mateus 10:13

Mo ta tomi' querec te cucuhu', mi' ac tococwa tara pain ca om toron ne ximicocon, mi' ac tococwa tara pain oro ca awi wa quem. Mo ta om tomi' querec te cucuhu', om ta mi' tococwa pain ca om toron ne ximicocon, om ta mi' tococwa pain oro ca awi wa quem.

Marcos 16:14

Aram aram hwet pa' ac tococwa na co taxipa' ca ma' quem, co ma' 11 nana ma'. Hwet pa' tata pain ca cao' nucucun. Tomi' mip ac tococwa na. Xi howa cacam co querec nonon pain ca e' mami' nucun ta. Para om howa hwe ma' quem? Om ca howa je na hwe ra tata.

Lucas 10:5

Hwet iri jun wari' pain xiricon ne, tomi' ca' cain' jun: Param urut con Iri' Jam pain ca mi' cuhu' pain ca om toron ne xumuhu', je pain ca mi' cuhu' pain oro ca awi wa ta, ac i ma' tara ca tomi' hun.

João 14:27

Pain ca paca' xim xuhu' ca', to' om pin tain ca toron ne xumuhu' pa'ao'. Wata' tara co mi' nuhu' pain. Om ta ac pain ca om toron ne ximicocon oro wari' co om howa nanapa' ma', om tara. To' om iri'o' tain ca toron ne xumuhu'. Je ca tomi' xuhu' ca': Ta toron ne xumuhu' me. Ta jin' hwe me ta.

João 16:33

Tomi' hwet inuhu' pain oro ca tomi' ne ca', ma' ta om toron ne xumuhu' pata' inuhu'. Ma' paxi' turuhu' oro ca to' i'ina nuhu' pain macan' ca'. Na e' nuhu' pain ca hwara' opa hwe. To' quiji' pin ara xi' inon co ma' co taramaxicon pe ho' nonon oro wari' co om howa nonon Te ta na ca tomi' caparut ca'.

João 20:26

Xijein domingo pin iri na ne, cut in mami' ac xujuxut na pain ca taxipa' urut con Jeju ca'. Pe ho' naparut Tomé quem. Tao' pa' paxi' urut pain oro manain ca corom ac wa ma', ane hwet pa' caparut Jeju ne. Xat pe ac cain na ximijaxut. Ta toron ne xumuhu' me ta ac caparut na.

Atos 1:3

Mi' pin iri na ne, e' mami' iri na ne, hwet pa' ac cocon na oro apóstolo nucun. Ma' 40 na xec pain ca hwet pa' ho' hwet pa' ho' cocon pane. Ma' ta querec pin' mahu' pain ca e' mami' ne ca' tata. Wata' ta wata' ta tata. Xin ne, wum ma' ira ac cocon na. Om ca tara pum camain' cocon. Querec pin' nonon pain ca e' mami' nucun pane. Tomi' xo' ac tococwa na con Iri' Jam quem, pain ca taramaxicon pe ho' toton cocon pane.

1 Coríntios 15:5

Hwet pa' ac con na Pedro, aram aram hwet pa' ac tococwa na oro xucucun apóstolo ma', pain ca ma' 12 nucucun ma' quem.

1 Coríntios 15:7

Aram aram hwet pa' ac tocwa na Tiago, aram aram hwet pa' hwet pa' pi' pin ac tococwa na oro xucucun apóstolo.

2 Tessalonicenses 3:16

Tomi' mi' urut pahu' con Taramaxicon nexi' co mi' napari' pain ca om toron ne ximixi'. Wirico co mi' pan napari' pain. Mi' roron pain ca om toron ne ximicocon ma' urut con pahu'. Ma' paxi' tara oro ca ara nuhu' ma', pain ca to' i'ina cuhu' ma'. Je i ma' ira, mi' roron pain ca om toron ne ximicocon ta urut con Taramaxicon nexi' pahu'. Param urut con pain ca pe ho' pe ho' xam' cuhu' ta.

Apocalipse 1:4

João ina pain ca xirao' mi' xuhu' ca'. Xirao' mi' inuhu' pain ca howa hun Jeju ma', pain ca cut in xujuhu' pain oro cidade ca ma' 7 ma', ca to nain Ásia ma', je i ma' wixinain macan' ca to ne oro cidade ma'. Tomi' mi' inuhu' con Iri' Jam co ma' cara ma', co wara ma' pain cara pane, co maqui' ta' ma' quem. Param inon pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Je ca param ta' pain Tamataracon ca ma' 7 ma' pain ca xat quima hwet nein ca mam' xao pe pe ca ma', pain ca Taramaxicon ca ma'. Param inain pain ca quep xiho' cuhu' pain ca mi' cuhu' pain ca param nein, je pain ca mi' cuhu' pain ca om toron ne xumuhu' ma' quem.