Lucas 24:27 - Tradução Bíblica Pacaas Novos

²⁷ Tomi' xo' ac tococwa na pain capijacon Iri' Jam ca tomi' mi' pan non ma', je pain ca xirao' pe nucun Moisés, je pain oro ca xirao' to nucucun oro profeta cara pane, tomi' xo' tomi' xo' pi' pin ac tococwa na pain oro ca xirao' pe xine capijacon Iri' Jam ca tomi' mi' non quem.

Lucas 24:27 Iomraidhean Croise

Marcos 4:34

Oro ca pijim' nucun pane, pain ca pijim' qui' tococwa oro wari' pane, pijim' joc mam' mi' e' tata pain oro carawa. Xica' pe pin iri na cocon co taxipa' ca ne, tomi' xo' pin ac tococwa na pain ca pijim' nucun quem.

Lucas 24:25

Wa inuhu' me pan ac cocon na Jeju. I'ina a xihwe pain ca taraju pa' wa ta. Je xi howa hap hwein oro ca tomi' caca oro profeta cara pane?

Lucas 24:44

Je ca tomi' xuhu' pain ca pe ho' pe ho' wet xuhu' pane ac tococwa na. Na e' na pain ca hwet pin ne oro capijacon Iri' Jam pata'. Oro ca xirao' nucun Moisés cocon oro profeta, je pain Oro Tamara' quem, na e' na pain ca hwet hwet pi' pin ne pata' ac tococwa na.

João 1:45

Pirao' ac con na Natanael Filipe. Tomi' ac con na: Mam' urut con co xirao' pe ca Moisés pain ca xirao' pe cain oro capijacon Iri' Jam ca tomi' ha' je capari' pane, co xirao' pe caca oro profeta pane quem. Mam' urut con. Jeju na wixicon. Panxica José na. Maqui' nain Nazaré ta na ca tomi' con ma'.

João 12:41

Xirao' ac i ma' na Isaías pane. Xi om ne ca wara querec ara cain ca hwara' opa nucun Jeju pain ca awi tamana nucun ta. Tomi' hwet ac cain na quem.

João 5:37

Te ma', co hwet roron oro wari' ta napa' pane, tomi' hwet pan napa' pahu' quem. Om ca taraju camain' hwein iri' ca tomi' nucun, om ca querec pin' hun quem.

João 5:39

Noro tamana paxi' hwein capijacon Iri' Jam ca xirao' pe xine ma'. Coromicat ac hwe na: Mo ta noro xin capijacon Iri' Jam ca', mam' ac xin tara ca om pi' ra ha' ne ca e' wa pain pawin ta paxi' na ca coromicat nuhu' ma'. Je capijacon Iri' Jam ca tomi' hwet pan napa' quem.

Atos 10:43

Wara tomi' nonon oro wari' oro profeta pane quem, pain ca tomi' hwet tomi' hwet xam' tococwa con wari' nucun Iri' Jam co wara tomi' pe ca pane. Ca' na ca tomi' hwet tococwa pane: Oro wari' co howa xun nonon ma', xic am pin ac xine tara pain ca caracat nucucun ta, xi om ca wari' nucun Iri' Jam co wara tomi' pe ca pane nana oro profeta pane. Ac i ma' na ca pijim' cocon Pedro ma'.

Atos 3:18

Wahu' paxi' na co to' pa' non pane. Ane ara pan cain ca wara tomi' pe nucun Iri' Jam ne. Ac i ma' na ca hwet pin ne capijacon ca xirao' to caca oro profeta pane. Jain jain tamana tara pain ca to' pa' pin tocwa Cristo ta na ca xirao' to cacain ca tomi' pe nucun Iri' Jam pane.

Atos 3:22

Je ca wara tomi' pe ca Moisés cara pane. Ca' na con pane: Main mi' turuhu' con profeta Taramaxicon Iri' Jam ma'. An xiho' tarapa' pain ca profeta ta' ca'. Iri' win ma' nuhu' tara. Na e' na pain ca taraju wet hun. Tomi' ha' jein oro ca tomi' nucun quem.

Atos 3:24

Tomi' ac i ma' tomi' ac i ma' xam' nana oro profeta pane. Samuel, oro xucucun profeta co maqui' nana pa'ao' quem, wara tomi' pe nanain oro carawa ca ara napari' pain oro xec nexi' ca'.

Atos 7:37

Wirico Moisés co tomi' nonon oro hwanana nexi' pain ca wari' nein Israel iri' quem. Tomi' ca' nonon pane: Main mi' turuhu' con profeta Iri' Jam ma'. An xiho' tarapa' pain ca profeta ta' ca'. Iri' win ma' nuhu' tara ta nonon.

Atos 8:35

Tomi' xo' ac con pain na Filipe ma'. Tomi' xo' non pain capijacon Iri' Jam ca xirao' pe ca profeta Isaías cara pane, tomi' xo' tomi' xo' ac con na pain oro wirain ca xirao' pe nein capijacon Iri' Jam quem. Tomi' hwet tomi' hwet ac con na con Jeju pain ca to' witan xim capari' quem.

Apocalipse 19:10

Pan' hwet ac ton na pain caximacon jam co taramaja mi' non Iri' Jam. Ma' ta pe torotop mi' querec te ton inon ira. Ane tomi' capa' ne: Ta pe torotop mi' querec te mapa' me ta. Xi ac wum ara ta' ta, taramaja mi' e' inon Iri' Jam. An xiho' inem, an xiho' inonon oro win howa ma ma', co win xumu cara nonon Jeju ma', pain ca om an to camain' cacain oro ca tomi' hwet xine con. Pe torotop mi' querec te pan ron Iri' Jam ta! Xi wirico pan ara ca Jeju co tomi' hwet iri' pain ca pijim' hwet xuxun con oro wari' ta. Ac i ma' na ca tomi' capa' jam co taramaja mi' non Iri' Jam.