Lucas 24:21 - Tradução Bíblica Pacaas Novos

²¹ Coromicat ca' paxi' urut con pane: Wirico tara co to' witan ca' toton napari' cocon oro co noc nanapari' pain ca wari' nein Israel iri' ca', ac je paxi' na ca coromicat nuxut con pane. Ane ma' 3 pin ne xec pain ca to' pa' pin cocon ne.

Lucas 24:21 Iomraidhean Croise

Lucas 1:68

Awi tamana na Iri' Jam co Iri' Taramaxicon cwa', co howa iri' pain ca wari' nein Israel iri' ca'. Na e' na pain ca tomi' hwet xin ca tomi' querec te nexi' con ta. Xi hwet ara capari' pain ca wari' ne capari' ca'. To' witan xim napari' quem.

Lucas 2:38

Pain ca tomi' tomi' wet ca Simeão ma', je win maqui' cama Ana ma'. Xut hwet ac cacam na. Tomi' querec te inem con pije' cwa' ta Te Iri' Jam ac cama na. Tomi' hwet ac tococwa na oro wari' con pije' ma'. Tomi' hwet tomi' hwet xam' tata con co winim' nanain xec nein ca to' witan toton cocon oro wari' nein Jerusalém Iri' Jam.

Atos 1:6

Aram aram maqui' ac ne na xec nein ca cut in mami' xucucun quem. Tomi' querec ac cocon na Jeju co taxipa' ca ma': Taramaxicon nuxut. Je i ca' tara oro xec ca to' quiji' pin toton momon oro romano co taramaxicon to ho' nanaparut pain xocori ca' ra? Om ta mi' maparut pain ca taramaxicon pan ta' ca win ma' nuxut pain ca wari' nein Israel urut ca' ra? Ac i ma' na ca tomi' querec cocon ma'.

Atos 7:28

To' pa' pin ton mapa' ra? Win ta' pain xec pane, pain ca to' pa' pin ton wari' nein Egito pain xec pane mapa' ra? Ac i ma' na ca tomi' ximao con Moisés co to' ma'.

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.