Lucas 23:9 - Tradução Bíblica Pacaas Novos

⁹ Tomi' querec tamana paxi' non pain oro ca tomi' querec ximao wa ma', ane tacana pe pan ca Jeju ne. Om ca tomi' camain' ca.

Lucas 23:9 Iomraidhean Croise

Mateus 27:12

Tomi' em' ac cocon na oro taramaxicon nucucun oro sacerdote cocon oro taramaxicon nuxut pain ca judeu urut ca' quem. Em' na co cwa' ta, om ca awi camain' ca, pan tem na ta nonon. Ane tacana pe ca Jeju ma' ne. Om ca tomi' in pin camain' ca.

Mateus 27:14

Ane tacana pe pan ca Jeju ne, om ca tomi' camain' ca. Wa wa tamana ac con na taramaxicon.

Mateus 7:6

Ta pijim' mi' huhun pain capijacon Iri' Jam oro wari' co tomi' napat nanain pain ca om howa nucucun me ta ac tococwa na. Noro jein carawa ca awi ca an terem' mi' tocwa oromijac ma'. Mo ta an terem' mi' hun pain, xin in taqui' hwet ac cuhu' tara oromijac. Noro jein wijimain pacun ca awi tamana ma', pérola ma'. Mo ta wixicao' mi' xine pain caji mijac ma', xom tapiripit pin ac nein tara quem. Ac i ma' na ca tomi' tococwa ma'.

Marcos 15:5

Ane tacana pe pan ca Jeju ne, om ca tomi' camain' ca. Wa wa tamana non Pilatos.

Lucas 13:32

Om na, mo tomi' jun taramaxicon co an xiho' nain caji carawa nein mi ca mixein taxipa' cwain. Tomi' ca' jun: Ca' na ca tomi' quem Jeju ta jun: Tomi' jein pin inonon oro caxicon jam, quep xio pin inonon oro wari' quem, ac i ma' na ca taramaja ta' pain xocori ca'. Taramaja tiquin' ac i ma' ta' quem. Pi' pin iri tara ca taramaja ne ne, maho' ac tain tara ta, ac i ma' na ca tomi' quem Jeju ta jun ta tata.

Lucas 23:10

Oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma', co coco' to nanain i ma', tomi' mana' nana pain ca tomi' em' cocon Jeju.

João 19:9

Corom mao mami' ac cain na xiricon, tomi' querec ac con na Jeju. Main ca maqui' ma quem ac con na. Ane tacana pe pan ca Jeju ne. Om ca tomi' camain' ca.

Atos 8:32

Je i ca' ca xirao' nein capijacon Iri' Jam ca noro ca ma': Win ne ovelha pain ca an mao xine pain ca to' pa' pe xine ma', ac i ma' na pain ca an mao cocon co ma', pain ca to' pa' pin xun cocon ma'. Win ne ca tacana pe ne wijimain ovelha pain ca wijac pin xine tenenein ma' quem, ac i ma' na ca tacana pe ca co ma', je pain ca om tomi' camain' ca quem.

1Pedro 2:23

Tomi' xirac iri nonon ne, om ca win capija pan cocon quem. Jain jain iri na pain ca quep em' cocon ne, om ca win mahu' ne cocon. Je i ma' ira, wum co taxi' napa' ta non Cote ca co wap xo' taxipa' nonon oro caracat.