Lucas 23:8 - Tradução Bíblica Pacaas Novos

⁸ Querec iri non Jeju Herodes ne, tomi' querec te tamana ac ca na. Xi om ne ca wara pain ara ne pain ca querec xiton Jeju na ca ma'. Wara taraju tata oro wari' pain ca tomi' hwet cacain oro ca ara nucun pane. Je ca coromicat ca' ca ma': Am querec ton pain ca ara cain ca om ara taxi' ne ca wari' wa ta na.

Lucas 23:8 Iomraidhean Croise

Mateus 14:1

Om ca pain homa ne, taraju ac ca na taramaxicon Herodes ma', taraju nain oro ca tomi' hwet nucucun oro wari' con Jeju.

Marcos 6:14

Taramaxicon Herodes ma', taraju ac cain na ca tomi' nucucun oro wari' pain ca tomi' hwet cacain oro ca ara ca Jeju. Xi taraju taraju pi' pin ara cocon ta. Ma' nana co tomi' ca' nana ma': Om na, wirico co cwa' João cara pane, co ja' taxipa' nonon pain com oro wari' pane. E' mami' na João cara pane. Je tara ca ha' con pain ca ara cain oro ca om ara taxi' ne ca wari' wa ta, ac i ma' na ca tomi' caca ma'.

Marcos 8:34

Harahap je, tomi' xo' xuhu' ta ac tococwa na oro wari' cocon co taxipa' ca ma'. Wari' co ja' ja' xim napa' ma', miri'om ac cain tara ca param nucun. Om ta xiram pa' camain' cain curucun pain ca jin' cain ca mi' pin wa. Ac ca an tiquin' pan cain tara panaxicon ca mam' tatatain mi' xun tocwa ma'. Ja' ja' ac capa' tara ta.

Lucas 4:23

Tomi' ac tococwa na: Taxi' inuhu' pain ca tomi' ca' xim mahu' pain i ca' quem, ca tomi' taxipa' caca oro wari' ma'. Tomi' ca' xim mahu': Taraju urut pum pain ca quep xio pin momon oro wari' co to nanain Cafarnaum cain. Je xi quep xio pin momon oro wari' co to nanain macaraxi' ca' quem, ac i ma' paxi' xim mahu' ma' na ca tomi' tococwa ma'.

Atos 8:19

Mi' ac mahu' tara pain ca hwara' opa nuhu' ma' quem. Wari' co quep ta' pain winacon ma', corom hwet ac con tara Tamataracon Iri' Jam. Ac i ma' na ca tomi' con Pedro con João Simão ma'.