Lucas 23:7 - Tradução Bíblica Pacaas Novos

⁷ E'e', wari' nein Galileia ta nonon. Na ra ac ca na Pilatos. Taramaxicon pe nain Galileia Herodes pane. Ane pe pan cain Jerusalém pain oro xec ca quep cocon Jeju ne. Taxi' pin iri non Jeju Pilatos ma' ne, pain ca maqui' cain Galileia ma', tomi' ac tococwa na caram ma' co tomi' em' nonon ma': An mi' jun con Herodes ta na ca tomi' tococwa ma'.

Lucas 23:7 Iomraidhean Croise

Mateus 14:1

Om ca pain homa ne, taraju ac ca na taramaxicon Herodes ma', taraju nain oro ca tomi' hwet nucucun oro wari' con Jeju.

Mateus 14:3

Coromicat ac i ma' paxi' non Jeju Herodes ma', ane wara mi' pin ca João ne. Ca' na ca mi' pin nucun João pane. Herodes ma', an pin nam manacon coxa' ca ma', Filipe ma'. Herodias na wixicam. Je ca tomi' ho' tomi' ho' con Herodes João ma' quem. Tomi' caho' nem pain ca an wa manacon coxa' ma Iri' Jam ta non pain ca pan to' cain taraxicon. Quep jun ta ac tococwa na oro soldado nucun ma' quem. Quep jun, pao' pe jun, tao' pe jun pain xirinain ca tao' to tao' to to wa ta tata.

Mateus 14:6

Aram aram maqui' ac ne na xec nein ca mam' pe wet cacain ca pan' qui' nucun Herodes pane. Cut in ac xucucun na, wirico Herodes, wiricoco oro win ma' ca quem. Tomi' querec te xi' e' ac xucucun na, corom ac cama na cainacam Herodias ma'. Pi' xirao' in pi' xirao' in pe ac camain na ca xao to morojam' to caca ma'. Tomi' querec te tamana nam Herodes ma'.

Marcos 6:14

Taramaxicon Herodes ma', taraju ac cain na ca tomi' nucucun oro wari' pain ca tomi' hwet cacain oro ca ara ca Jeju. Xi taraju taraju pi' pin ara cocon ta. Ma' nana co tomi' ca' nana ma': Om na, wirico co cwa' João cara pane, co ja' taxipa' nonon pain com oro wari' pane. E' mami' na João cara pane. Je tara ca ha' con pain ca ara cain oro ca om ara taxi' ne ca wari' wa ta, ac i ma' na ca tomi' caca ma'.

Lucas 13:31

Pi' pi' iri na ca tomi' ca Jeju na, ma' ac caca na oro fariseu co hwet nonon ma'. Mao ra ta. Xi to' pa' pin xim ara quem taramaxicon Herodes ma' ta nonon.

Lucas 23:6

Taraju iri nain i ma' Pilatos ne, pain ca pijim' pe cain' nain Galileia cain caca ma', tomi' querec ac tococwa na: Wari' nein Galileia na ron nonon.

Lucas 3:1

Pain pin iri na ne, pain ca ma' 15 pin ne cawaxi' pain ca taramaxicon pe cain Roma Tibério César pane, taramaxicon pe nain Judeia Pôncio Pilatos. Taramaxicon pe nain Galileia Herodes. Taramaxicon pe nain Itureia je Traconites Filipe, coxa' ca Herodes. Taramaxicon pe nain Abilene Lisânias ma' quem.

Lucas 9:7

Taramaxicon Herodes ma', taraju ac cain na ca tomi' nucucun oro wari' pain ca tomi' hwet cacain oro ca ara ca Jeju. I'ina ac ne na ximicon. Cain' cain' xira con ne na, xi ma' ara caca wari' co tomi' ca' nana ma': Om na, wari' co taraju hwe ma', wirico João cara pane, e' mami' tara João cara pane ta nana.

Atos 4:27

Iri'o' na quem Taramaxicon nuxut ac cocon na. Cut in xucucun oro taramaxicon pain Jerusalém pane. Wirico Herodes con Pôncio Pilatos cocon oro win ma' nuxut pain ca judeu urut ca', cocon oro wari' co om judeu nana ma' quem, cut in xucucun pane. Tomi' xo' ac xucucun na con Panxima Jeju co tora' ma pane, co win xumu nem pain ca tama' tomi' ha' quem pane. To' pa' pin xun ta ac xucucun na.