Lucas 23:6 - Tradução Bíblica Pacaas Novos

⁶ Taraju iri nain i ma' Pilatos ne, pain ca pijim' pe cain' nain Galileia cain caca ma', tomi' querec ac tococwa na: Wari' nein Galileia na ron nonon.

Lucas 23:6 Iomraidhean Croise

Mateus 26:69

Tahwet xao pe na Pedro ma' quem. Xao pe pe nain ca tao' caho' nein xirim. Xut hwet ac con na xojam' co taramaja pe nain i ma'. Tomi' ac con na: Pe ho' mon Jeju co maqui' nain Galileia ma' quem non.

Lucas 13:1

Pijim' pijim' wet iri na Jeju ne, ma' ac caca na co tomi' hwet nonon cocon wari' nein Galileia ma', co to' parapa' pin wawa pain ca mama' cacain cote ne xiricon Iri' Jam pain Jerusalém ma'. Tom tain' tatarain carawa nexi' oro sacerdote ta paxi' nana. Ane to' parapa' pan tococwa ne. Wirico taramaxicon Pilatos co to' parapa' jujun ta nonon oro wari' nucun pane.

Lucas 23:5

Om na ta ac caca na, tomi' mip nonon: Pijim' iri tata oro win ma' nuxut co to nanain Judeia cwa' ne, ta tomi' ha' mami' hun taramaxicon nucucun oro romano me ta tata, ja' teretem ja' teretem ac tococwa na. Pijim' pe cain' nain Galileia cain, mao ac ne ma' na con, aram aram pijim' pe ac cain i ca' na quem na ca tomi' cocon ma'.

Lucas 23:7

E'e', wari' nein Galileia ta nonon. Na ra ac ca na Pilatos. Taramaxicon pe nain Galileia Herodes pane. Ane pe pan cain Jerusalém pain oro xec ca quep cocon Jeju ne. Taxi' pin iri non Jeju Pilatos ma' ne, pain ca maqui' cain Galileia ma', tomi' ac tococwa na caram ma' co tomi' em' nonon ma': An mi' jun con Herodes ta na ca tomi' tococwa ma'.

Atos 5:37

Pain pije' iri na ne, pain ca xirao' qui' cacain wixicocon oro wari' oro taramaxicon pane, ma' ac ca na Judas co maqui' nain Galileia pane. Tomi' in pin xuxun oro taramaxicon e' ac ca na, mija ac caca na oro win ma' ca co taxipa' nonon quem. Aram aram to' pa' pin ac tocwa na co ma' quem. Ja' wawaran ja' wawaran pi' pin ac tococwa na oro co taxipa' ca pane.