Lucas 23:54 - Tradução Bíblica Pacaas Novos

⁵⁴ Maqui' pin na xec nein ca ara xo' xine oro carawa nein ca tomi' querec te nucucun oro judeu ma'. Xo' um pin ta' na quem, wara sábado pin ta' na.

Lucas 23:54 Iomraidhean Croise

Mateus 27:62

Xec pin iri na ne, pain sábado ma', xuruxut hwet ac cocon na Pilatos oro taramaxicon nucucun oro sacerdote cocon oro fariseu ma'.

Marcos 15:42

Irawin pa' ac cocon na. Xec sábado ta' na cocon, xec xao to wa xin ximixi' nana. Je ca wara an to xo' xin oro carawa nein sábado pain xec ca' caca ma', je curucucun pane.

Lucas 23:53

An quiji' ca' ac cain na curucun pain pana, wiric pa' pin ac cain na con cote ca wom co awi. Wara ca' na man ca wara xe' wa pain pacun ma', an corom pe ac cain na. Iri' xocori na manain pacun ma', om ca an corom pe querec tocwa pain wari' co mi' pin.

João 19:14

Wixicam pin na xec nein Páscoa. Om ca pira camain' ne, wara ara xo' xin nanain oro carawa nein oro win ma' nuxut. Pawin pin na xina quem. Noro jun taramaxicon nuhu' cwa' ta ac cocon na oro win judeu urut Pilatos ma'.

João 19:31

Mi' pin iri na Jeju ne, wara wixicam pin nain xec nein ca wara ara xo' xin urut pain carawa nein Páscoa. Xec sábado ta' na quem. Tomi' querec te paxi' urut pain oro xec nein sábado ma', ane tomi' querec te tamana urut pain xec nein sábado ca jao jao ma' nain xec nein Páscoa ne. Oro taramaxicon nuxut pain ca judeu urut ma', noc nanain ca warawa cara nein pana curucucun orojima' pain sábado ma'. Je ca tomi' cocon Pilatos ma': Tomi' roron oro soldado nem ta. To' caracat pin jein aracocon co tatatain mi' wawa pain pana, ma' ta cono' hap caca ta roron. Cut quiji' ca' ac huhun tara pain pana ta roron. Ac i ma' na ca tomi' cocon ma'.

João 19:42

Iri' xec nein ca ara xo' xine oro carawa nein ca tomi' querec te nuxut ma'. Xec sábado ta' na. Je ca an corom pe hap cacain curucun pain manain pacun ca to ne oro panaji memem ma'. Xi pe xipana ara ne ta.