Lucas 23:42 - Tradução Bíblica Pacaas Novos

⁴² Xiram pa' ne me Jeju ac ca na. Mam' pe wet ne pain ca aram aram taramaxicon pin ta' ma ma' non.

Lucas 23:42 Iomraidhean Croise

Lucas 12:8

Tomi' xim inuhu' pain i ca' quem ac tococwa na. Wari' co tomi' hwet nonon oro win ma' ca pata' pain ca Taramaxicon ne inon Jeju ta cocon pata', ame hwe e'. Main tomi' toton oro jam co taramaja mi' nonon Iri' Jam cwain. Wata' pain ca Iri' Wari' ta' ca', tomi' ca' toton: Wari' ne inon co cwa' ta toton con.

Lucas 18:13

Co ma' co cut in taxipa' imposto ma' iri na ne, mo mo pe na. Om ca noro piri' ca, noro quiji' nain macan', xi wixipa' ara ca ta. Wap nain quimacon pain ca querec pin' xucun pain ca pan tem nucun. Xiram pa' ne ta Iri' Jam. Caracat ara xi' ina ta na. Ac i ma' na ca pijim' nucun Jeju ma'.

Lucas 23:41

Hohot paxi' na pain ca tatatain mi' cacapari' pain pana ca', xi pan teretem tamana ara iri' ta. Ane om pan tem camain' ca co cwa' ne na ca tomi' con win ma' ca ma'.

Lucas 23:43

Wara pe ho' ne pain pawin cain, pain xec ca', tomi' iri'o' inem ta ac con na Jeju.

Lucas 24:26

Xi na e' ara ne pain ca jain jain ca Cristo pain ca mi' pin nucun ta. Aram aram mi' pan ac con tara pain ca momon taramaxicon cara wa Iri' Jam ta na ca tomi' tococwa ma'.

João 1:49

Taramaxicon co ca' na taxipa' capijacon Iri' Jam ac ca na. Panxica Iri' Jam ma ma' ira. Taramaxicon nucucun oro wari' nein Israel ma ma' ira na ca tomi' con ma'.

João 20:28

Taramaxicon ne! Iri' Jam ne! Ac i ma' na ca tomi' con ma'.

Atos 16:31

Om na, howa ron Taramaxicon nexi' Jeju ta. Witan ac ma tara ta ac cocon na. Ac i ma' tatara oro win ma' ma co to ho' nenem pain xurum ma' quem, mo ta howa cocon Taramaxicon nexi' ma', witan ac caca tara quem nonon.

Atos 20:21

Hu hu pi' pin inonon oro wari' quem, co judeu nana ma', co om judeu nana ma' quem. Na e' na pain ca coromicat ni hwe, an to pin jein ca caracat nuhu', tomi' hwet jun pain Iri' Jam quem inonon. Howa jun Taramaxicon nexi' Jeju ta inonon quem.

1Pedro 1:11

Taraju pa' xixi' na nanain ca tomi' nein Tamataracon Cristo ca pe ho' nonon pane, pain ca tomi' ca' tococwa pane: Jain jain tamana iri tara Cristo ne, awi tamana ac ne tara oro ca aram aram ara ton non ta, ac i ma' na ca tomi' tococwa pane. Ma' xec ca tomi' mi' ne quem, cain' cain' xira quem ac caca na pain ca noro cacain capijacon Iri' Jam pane.

1João 5:1

Mana panxica Iri' Jam nana oro wari' co howa nonon Jeju ma', pain ca Cristo ca ma'. Oro wari' co om noc nonon Cotere' Iri' Jam cwa', om ca noc cocon oro win ma' caca co Te nonon quem.