Lucas 23:39 - Tradução Bíblica Pacaas Novos

³⁹ Tomi' xirac non xucun co tatatain wi wa con Jeju ma' quem. Om ca Cristo ma ra? Je xi quep xiho' pan xijem quem? Je xi quep xiho' maparut ma' quem? Ac i ma' paxi' na ca tomi' xirac con ma'.

Lucas 23:39 Iomraidhean Croise

Mateus 27:44

Tomi' xirac tomi' xirac ac i ma' nonon co tatatain wi ca ma' quem.

Marcos 15:32

Cristo na ron? Taramaxicon nucucun oro wari' nein Israel na ron? Je xi quiji' ca' cain pana quem? Querec iri xun pain ca quiji' ca' cain ne, howa pin ac xun tara ta na ca tomi' xirac nucucun. Tomi' xirac tomi' xirac nonon co tatatain wi wawa con quem.

Lucas 23:35

Noro nana oro wari' co coco' to nanain i ma' quem. Oro taramaxicon ma' quem, tatam' nonon Jeju, tomi' xirac ca' nonon: Quep xiho' nonon oro wari' pane. Mo xi Cristo ca, mo xi wara tora' iri'o' con Iri' Jam pane, je i ma' xira ca quep xiho' pan xucun quem na ca tomi' xirac cocon ma'.

Lucas 23:37

tomi' ac cocon na: To' witan pan xijem. Win ne ca taramaxicon nucucun oro judeu ina ta ma ma' quem nonon.

Lucas 23:40

Ane tomi' in pin pan con win ma' ca co win pan tem ca ma' ne: Para tomi' xirac mon quem? Om ca jin' mon Iri' Jam ra? Win ne ca tatatain wi xima con.