Lucas 23:34 - Tradução Bíblica Pacaas Novos

³⁴ Tomi' ac con na Cote ca Jeju: Xic am pin rain ca caracat nucucun caram cwa' quem Te. Xi ma' ne ximicocon ta. Hohot tara ma' nana pain ca tatatain mi' cacapa' pain pana ca' non. An an xam' xun womicon cwa' ta ac caca na oro soldado ma' quem. Ma' xi an non co cwa' ne, ma' xi an non co cwa' ne xucucun, ara ara ac cacain na ca ara taxipa' caca ma', taxi' ac xucucun na con wom co an xi' caca ma'.

Lucas 23:34 Iomraidhean Croise

Mateus 11:25

Tomi' ac con na Iri' Jam Jeju: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'.

Mateus 11:26

Je ca param nem ma' quem Te. Hohot nem pain ca xiram pa' momon ta na ca tomi' con Iri' Jam.

Mateus 5:44

Ane tomi' pan xuhu' pain i ca' ne: Ta noc huhun co noc nunuhu' ma' me. Tomi' mi' jujun con Iri' Jam oro wari' co ja' tequi' quep em' nunuhu' ma' quem.

Marcos 15:24

Tatatain mi' ac cocon na pain pana. An an xam' xun womicon cwa' ta ac caca na oro soldado ma'. Ma' xi an non co cwa' ne, ma' xi an non co cwa' ne xucucun, ara ac cacain na ca ara taxipa' caca ma', ma' ta taxi' xun wom co an xi' iri' cwa' xucucun.

Lucas 22:42

Te ac con na. Mo ta nain ho' xim mapa' pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem. Ane param e' tain ca param nem ne. Noc inain ca param ne ca' na ca tomi' con Cote ca.

João 17:9

Tomi' mi' inem cocon. Om ca tomi' mi' xim cocon oro wari' co om howa nanapa' ma'. Tomi' mi' inem cocon co mi' mapa' cwa', xi wari' ne ara momon ta.

João 19:11

Mo xi om mi' quem pain ca taramaxicon wa Te Iri' Jam ma', om xi na camain' quem pain ca ara mi' mapa' pain ca param nem ta ac con na. Je ca tomi' xim ca' taramaxicon ac con na. Co ma' co o mi' jun con Pilatos napa' pum, wirico co caracat tamana pan. Caracat tiquin' ca' nem ta non.

Atos 16:28

Ane merem mip con Paulo ne: Om na ta! Ta to' pa' pin xijem me. To wet to wet pi' pin urut ca' ira na ca merem nucun.

Atos 3:17

Taxi' paxi' inuhu' ta xere ac tococwa na. Taxi' inonon oro taramaxicon nexi' pain ca judeu iri' ca' quem. Wirico paxi' na Jeju co wara tomi' pe pin ca Iri' Jam pane, ane om querec pin' hun ne. Je ca noc urut con ta hun pane. Je ca to' pa' pin hun quem.

Atos 7:60

Pe torotop pe ac ca na, merem mip ac ca na: Taramaxicon ne. Ta mana' momon pain ca caracat nucucun me ta non. Merem ac i ma' iri na ne, mi' pin ac ca na.

Romanos 12:14

Mo ta quep em' cucuhu' oro wari' pain ca howa hun Iri' Jam ma', tomi' mi' jujun con. Ara mi' roron pain ca awi wa quem Te Iri' Jam, ac i ma' tara ca tomi' mi' huhun con. Ta tomi' noro huhun me ta. Tomi' mi' e' jujun con Iri' Jam. Ara mi' jujun pain ca awi wa me roron.

1 Coríntios 2:8

Om ca taraju pa' caca oro taramaxicon co om howa nana cwa', om ca ma' camain' ca taramaxicon co taraju pa' nain ca coromicat nucun Iri' Jam. Mo xi taraju pa' cacain, om xi tatatain mi' qui' cocon pain pana Taramaxicon nexi' co awi tamana pain ca om caracat nucun pain ca hwara' opa tamana nucun.

1 Coríntios 4:12

Tama' jam' urut pain ca taramaja tamana nuxut pain ca cut xin carawa ca cao' wa ta urut. Tomi' noro iri nanaparut oro wari' ne, tomi' querec te ac urut cocon na, ara mi' turuhu' pain ca awi wa Iri' Jam ta ac urut cocon na. Quep em' iri nanaparut ne, quereme ac urut cocon na quem.

1 Timóteo 1:13

Tomi' xirac paxi' inon pain cara pane. Ja' tiquin' inonon oro wari' co howa nonon pane. Quep em' tamana inonon pane quem, ac i ma' paxi' ina pain cara pane. Ane xiram pa' capa' Cristo Jeju ne. Om paxi' napa' xumu pane. Hohot tara ma' inain ca quep em' toton pane. Xi howa ton Jeju pain ca Panxica Iri' Jam ca pane ta.

1Pedro 3:9

Mo ta quep em' cuhu' wari' ma', mo ta tomi' xirac cuhu', ta win mapa' ne hun me. Tomi' mi' pan jun con Iri' Jam. Xiram pa' ron, quep xiho' ron ta Te Iri' Jam jun. Xi wara param mi' xuhu' pain ca awi wa ta ara cuhu' pain ca xo' howa xine ta qui' cuhu' pane ta.