Lucas 23:26 - Tradução Bíblica Pacaas Novos

²⁶ An mao ac cocon na Jeju oro soldado ma'. Pain ca xuruxut xuruxut wet nucucun ma', quep ac cocon na wari' ma'. Simão na wixicon. Wari' nein Cirene na Simão. Maqui' nain xitot. Quep iri nonon ne, an pe ac cacain na panaxicon Jeju pain waracon. An tiquin' rain ta, ja' ja' ron Jeju cwa' nonon.

Lucas 23:26 Iomraidhean Croise

Mateus 5:41

Mo ta tomi' merem quem wari' ma', mo ta an tiquin' rain caramaju ca' quem, xica' pe tara quilômetro pain ca an tiquin' main ta terem, mo ta tomi' ac i ma' quem. Om ta xica' pe ne quilômetro ca an tiquin' main. Ma' 2 tara quilômetro pain ca an tiquin' main con.

Lucas 14:27

Mo ta ja' ja' xim capa' wari' ma', mo ta xiram pa' cain curucun pain ca jin' cain ca mi' pin wa pain ca taxipa' capa' ma', om ca taxipa' ac capa' na ca tomi' tococwa ma'.

Lucas 23:25

Pa hwet pin ac con na co pa hwet mi' xut con caca ma', co wara tao' pe wa ma', pain ca quep xiho' cocon co noc nonon oro romano ma', je pain ca to' pa' pin con wari' pane quem. Pa hwet pin iri non co ma' ne, an mao jun Jeju ta ac tococwa na soldado nucun ma'. Ara mi' jun pain ca param nucucun oro wari' cwa' ac tococwa na.

Lucas 9:23

Tomi' tomi' pi' pin ac tococwa na oro wari'. Wari' co ja' ja' xim napa' ma', miri'om ac cain tara ca param nucun. Miri'om tarain ca param nucun pain oro xijein xec. Om ta xiram pa' camain' cain curucun pain ca jin' cain ca mi' pin wa. Ac ca an tiquin' pan cain tara panaxicon ca mam' tatatain mi' xun tocwa ma'. Ja' ja' ac capa' tara ta.

Atos 13:1

Ma' nana wari' co cut in to xucucun pain Antioquia ma', pain ca howa cocon Jeju pane. Ma' nonon co tomi' hwet nanain xocori capijacon Iri' Jam ma', ma' nonon co ca' na nonon con Jeju quem. Mo nana: Barnabé ma'. Simeão co Níger na xijein wixicon ma'. Lúcio co maqui' nain Cirene ma'. Manaém co win ma' ne non taramaxicon Herodes pain ca hwijima' nucucun pane. Ma' na Saulo ma' quem.

Atos 2:10

je Frígia, je Panfília quem. Ma' nana co maqui' nanain Egito. Ma' nana co maqui' nanain oro xijein cidade pain Líbia ca pe ja' pan nain Cirene ma' quem, ac i ma' na oro macaraxi'. Ma' nana co maqui' nanain Roma quem.

Atos 6:6

Tora' iri tata ne, momon cwa' ta ac tococwa na oro apóstolo. Tomi' mi' ac tococwa na con Iri' Jam, quep quep ac tococwa na pain winacocon quem.

Atos 6:9

Ane ma' caca oro judeu co noc nonon ne. Taramaja mi' e' nonon oro tatirim pain cara pane. Aram aram to' witan ac tococwa na quem. Xirim ca cut in to xucucun ma', Xiricocon co Witan Nana ta na wixinain cocon oro wari'. Maqui' nanain oro xijein cidade ma', maqui' nanain Cirene je Alexandria, maqui' nanain oro xijein macarain Cilícia je pain Ásia quem. Noc nonon Estêvão. Tomi' xun e' ac caca na, tomi' in pin tomi' in pin ac cocon na quem.