Lucas 23:2 - Tradução Bíblica Pacaas Novos

² Tomi' em' ac cocon na: Tomi' querec urut con wari' cwa'. Taxi' pin urut con pain ca ja' teretem cocon oro win ma' nuxut cwa' quem. Ta tomi' ha' hun taramaxicon nucucun oro romano me, ta pagar hun pain oro imposto me ta nonon. Wata' co Cristo ta, iri' taramaxicon ina ta nonon, ac i ma' na ca tomi' em' cocon ma'.

Lucas 23:2 Iomraidhean Croise

Mateus 17:27

Om xi pagar jein capari' pain ca iri' win ma' ne xun Iri' Jam quem. Ane hohot ne pain ca pagar pan xin ne. Ma' ta om mana' cacapari' co pagar jein nanapari' ma'. Je ca tomi' xim ca' Pedro ac con na. Mao rain com cain. Xin rain macori pi nem ma', quep ac mon tara hwam co cao' cain' nain puxum ma'. Pa iri rain capijacon ne, mam' ac main tara moeda pain capijacon. Ma' 4 tara dracma nein. Mao ac main i cain tara, pagar ac main tara imposto ne, pagar ac main tara imposto nem ma' quem na ca tomi' con Pedro Jeju pane.

Mateus 22:21

Jamicon taramaxicon nucucun oro romano ta. Wixicon quem nonon. Je ca tomi' xuhu' ca' ac tococwa na. Carawa ca mene ca taramaxicon nucucun oro romano ma', mi' ac hun pain tara. Carawa ca mene ca Iri' Jam ma' iri na ne, mi' ac hun pain tara quem na ca tomi' tococwa ma'.

Mateus 27:11

An mi' iri nonon con Pilatos Jeju ne, tomi' querec pan ac con na Pilatos: Wum co iri' taramaxicon nucucun oro judeu cwa' ra non. Wata' cwa' ira. Win ne ca tomi' ma ma' ta ac ca na Jeju.

Marcos 12:17

Je ca tomi' xuhu' ca' ac tococwa na. Carawa ca mene ca taramaxicon nucucun oro romano ma', mi' ac hun pain tara. Carawa ca mene ca Iri' Jam ma' iri na ne, mi' ac hun pain tara quem na ca tomi' tococwa ma'. Wa wa ac cocon na quem.

Marcos 15:2

Wum co iri' taramaxicon nucucun oro judeu cwa' ra na ca tomi' querec con Pilatos. Wata' cwa' ira. Win ne ca tomi' ma ma' ta ac ca na Jeju.

Lucas 23:14

tomi' ac cocon na: O mi' iri mahu' con wari' cwa' ne, tomi' em' ac hun na. Ja' teretem nonon oro wari' ta hun. Ta tomi' ha' hun taramaxicon nucucun oro romano nonon ta hun. Ta pagar hun pain oro imposto me nonon ta hun. Taraju paxi' mahu' pain ca tomi' querec ton pain ca ara nucun quem, ane om mam' camain' tain ca pan tem wa con ne. Je xi om tomi' em' hun quem?

Lucas 23:5

Om na ta ac caca na, tomi' mip nonon: Pijim' iri tata oro win ma' nuxut co to nanain Judeia cwa' ne, ta tomi' ha' mami' hun taramaxicon nucucun oro romano me ta tata, ja' teretem ja' teretem ac tococwa na. Pijim' pe cain' nain Galileia cain, mao ac ne ma' na con, aram aram pijim' pe ac cain i ca' na quem na ca tomi' cocon ma'.

João 18:29

Hwet qui' ac ca na Pilatos. Xut hwet ac tococwa na, tomi' querec ac tococwa na: Pan tem na hun co cwa' ra? Ma' carawa ca ara ca quem na ca tomi' querec tococwa ma'.

João 18:30

Mo xi om pan tem ca, om xi o mi' urut pum con ta ac cocon na.

João 19:12

Taraju iri nain i ma' Pilatos ma' ne, jain jain ac ca na, om pin xiton Jeju na paxi' na ira. Ane merem cara caca oro taramaxicon nuxut pain ca judeu urut ma' ne. Mo ta om pin mon co ma ma', om ca win ma' ne mami' mon taramaxicon nexi' co pe nain Roma ta. Xi ari ara con taramaxicon wari' co tomi' ximao ac i ma' ta, pain ca taramaxicon ina ta ca ma' na ca tomi' cocon ma'.

Atos 24:13

Pain ca tomi' caracan nonon oro wari' ta cacapa' ca', je pain ca ja' teretem nonon oro wari' ta cacapa' ca' quem, om ca iri'o' na ta ac quequem ta taramaxicon. Xi ma' ca wari' co iri'o' na ta wi nonon ta.

Atos 24:5

Querec pin' urut con wari' cwa', Paulo cwa', querec pin' urut con pain ca iri' caxicon wari' ca ca'. Ja' teretem taxipa' nonon oro win judeu urut pain oro xijein macan'. Wirico co taramaxicon pe ho' nonon oro wari' co howa nonon co pacara pane, co maqui' nain Nazaré pane. Howa pan teretem ara xi' nana ta.

Romanos 13:7

Je ca tomi' xuhu' ca': Mi' mi' pi' pin jujun pain ca dever huhun ma'. Pagar jujun pain oro imposto ca pagar je cucuhu' ma'. Ara xite ara xite xam' jujun ta. Tomi' xo' tomi' xo' xam' jujun quem.