Lucas 23:10 - Tradução Bíblica Pacaas Novos

¹⁰ Oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma', co coco' to nanain i ma', tomi' mana' nana pain ca tomi' em' cocon Jeju.

Lucas 23:10 Iomraidhean Croise

Mateus 27:12

Tomi' em' ac cocon na oro taramaxicon nucucun oro sacerdote cocon oro taramaxicon nuxut pain ca judeu urut ca' quem. Em' na co cwa' ta, om ca awi camain' ca, pan tem na ta nonon. Ane tacana pe ca Jeju ma' ne. Om ca tomi' in pin camain' ca.

Lucas 11:53

Hwet mao iri na Jeju ne, tomi' xirac tamana ac cocon na oro fariseu cocon oro co ca' na taxipa' nanain ca xirao' nucun Moisés. Mija na ca tomi' querec ho' tomi' querec ho' cocon quem.

Lucas 23:11

Tatam' ac con na Jeju Herodes cocon oro soldado nucun ma'. Tatam' tatam' nonon, tomi' xirac nonon quem. Mixein mixein nonon pain ca pe cocon con cote ca wom co awi tamana ma', co ac womicon taramaxicon ma'. O mi' mami' jun con Pilatos cwain ta ac tococwa na.

Lucas 23:2

Tomi' em' ac cocon na: Tomi' querec urut con wari' cwa'. Taxi' pin urut con pain ca ja' teretem cocon oro win ma' nuxut cwa' quem. Ta tomi' ha' hun taramaxicon nucucun oro romano me, ta pagar hun pain oro imposto me ta nonon. Wata' co Cristo ta, iri' taramaxicon ina ta nonon, ac i ma' na ca tomi' em' cocon ma'.

Lucas 23:5

Om na ta ac caca na, tomi' mip nonon: Pijim' iri tata oro win ma' nuxut co to nanain Judeia cwa' ne, ta tomi' ha' mami' hun taramaxicon nucucun oro romano me ta tata, ja' teretem ja' teretem ac tococwa na. Pijim' pe cain' nain Galileia cain, mao ac ne ma' na con, aram aram pijim' pe ac cain i ca' na quem na ca tomi' cocon ma'.

Lucas 23:9

Tomi' querec tamana paxi' non pain oro ca tomi' querec ximao wa ma', ane tacana pe pan ca Jeju ne. Om ca tomi' camain' ca.

Atos 24:5

Querec pin' urut con wari' cwa', Paulo cwa', querec pin' urut con pain ca iri' caxicon wari' ca ca'. Ja' teretem taxipa' nonon oro win judeu urut pain oro xijein macan'. Wirico co taramaxicon pe ho' nonon oro wari' co howa nonon co pacara pane, co maqui' nain Nazaré pane. Howa pan teretem ara xi' nana ta.