Lucas 22:61 - Tradução Bíblica Pacaas Novos

⁶¹ Tucu in hwet pan ac con na Taramaxicon nexi' ma'. Noro ac con na. Querec iri non Jeju Pedro ne, mam' pe wet ac cain na ca tomi' nucun pane: Om ta aca querec ca me pain xim ca', tomi' ac momon tara: Om ca querec pin' ton ta ac momon tara pata', 3 tara ca tomi' ac i ma' momon ma' quem non pane.

Lucas 22:61 Iomraidhean Croise

Mateus 26:34

Om na ta Pedro ac con na. Tomi' toton momon oro wari' pain xim ca'. Om ta aca querec ca me, wara tomi' ac momon tara: Om ca querec pin' ton ta ac momon tara pata'. Ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.

Mateus 26:75

Mam' pe wet ac cain na ca tomi' nucun Jeju pane. Om ta aca querec ca me, tomi' ac momon tara, om ca querec pin' ton ta ac momon tara pata', ma' 3 tara ca tomi' ac i ma' toton ma quem Pedro, ac i ma' na ca wara tomi' con pane. Hwet mao ac ca na, aca tamana ac ca na quem.

Marcos 5:30

Wara taxi' xucun Jeju pain ca mam' to' xio pin con wari' pain ca hwara' opa nucun. Xin in hwet ac tococwa na oro wari' co xao xao nonon ma'. Ma' co quep napa' con womu cwa' quem tata.

Lucas 10:41

Marta Marta ac cam na Taramaxicon nexi'. Toron tamana na xumum pain oro carawa ca ara ma ma'.

Lucas 22:34

Om na ta Pedro ac ca na Jeju. Taraju wet ne e': Tomi' toton momon oro wari' ta. Om ta aca querec ca me pain xec ca', wara tomi' ac momon tara: Om ca querec pin' ton ta ac momon tara pata', ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.

Lucas 22:60

Om na ta, om ca taxi' tain ca tomi' nem ta ac ca na Pedro. Tomi' tomi' wet na, aca ac ca na me quem.

Lucas 22:62

Hwet mao iri na ne, aca tamana ac ca na.

Lucas 7:13

Querec iri nam Taramaxicon nexi' ne, xiram pa' ac cam na. Ta aca ma me ta nam.

Lucas 7:19

Mo hwet jun Taramaxicon nexi' ta ac tococwa na. Tomi' querec ca' jun: Wum tara co wara tomi' pe ca Iri' Jam pane, co main maqui' tara ta ca pane ra? Winim' jun xucun maparut ra? Ac i ma' tara ca tomi' querec hun ta tata.

João 13:38

Iri'o' tara pum ra ac con na Jeju. Ame ma e' Pedro. Om ta aca querec ca me pain ca xec pin ta' ne ca', wara tomi' ac momon tara oro wari': Om ca querec pin' ton ta ac momon tara pata', ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.

Atos 5:31

Mi' ac con na pain ca xao pe ho' ne pain iri' cwere ca' con. Mi' non pain ca to' witan xim capari' ca' quem. Ma' ta cwirin' pin hwe pain ca wari' nein Israel hwe ma' napari', ma' ta xic am pin tain ca caracat nuhu' ta napari' quem.

Efésios 2:11

Mam' pe wet jein i ca': Om paxi' na ca judeu hwe ma'. Om ca wari' nucun Iri' Jam hwe nunuhu' oro judeu ma'. Xi wac xirac hwein taparinain ca xirac nuhu' ta nunuhu'. Tomi' ca' nunuhu' quem: Warut pain ca judeu urut ca', wari' nucun Iri' Jam urut, xi om ne ca wac xirac ara urut pain taparixut ca' nunuhu'.

Apocalipse 2:5

Je ca tomi' xuhu' ca': Mam' pe wet jein ca tomi' querec te nuhu' pane, pain ca tomi' ha' xixim na mahu' pain ca xo' howa ten qui' mahu' pane. Cwirin' pin jein ca caracat nuhu', jain jain mami' xine pain ca tama' tomi' ha' xixim na mahu' ma', tomi' querec te ac i ma' mami' xine. Ac pain cara pane tara pain ca xo' howa qui' mahu' pane. Mo ta om cwirin' pin hwein ca caracat nuhu' ma', hwet ac xuhu' tara, an ca' ac xuhu' tara pain ca mam' tom pe ne naran nuhu' ma'. Pe pe om pin ac nein tara maxinain pahu'.