Lucas 22:53 - Tradução Bíblica Pacaas Novos

⁵³ Wara pe ho' paxi' inuhu' pain oro xijein xec pane, pain cote ne xiricon Iri' Jam pane. Je xi quep qui' mahu' pain i cain pane? Je i ma' pahu' ta ac tococwa na. Maqui' pin na iri' hora nuhu' ma', pain ca ara xim mahu' pain ca param nuhu' ma'. Maqui' pin na iri' hora nucun Caxicon Jam co taramaxicon pe ho' nonon oro caracat ta na ca tomi' tococwa ma'.

Lucas 22:53 Iomraidhean Croise

Mateus 21:23

Corom mao ac cain na ca tao' caho' nein cote ne xiricon Iri' Jam Jeju ma', ca' na ac tococwa na pain capijacon Iri' Jam oro wari'. Ca' na ca' na wet iri tata pain ne, xuruxut hwet ac cocon na oro taramaxicon nucucun oro sacerdote cocon oro taramaxicon nuxut pain ca judeu urut ca'. Tomi' querec ac cocon na: Ma' co mi' nem pain ca ara main oro ca ara ma ma' quem? Ma' co ara rain nem pain quem na ca tomi' querec cocon ma'.

Lucas 22:52

Cain' cain' xihwe quem ac tococwa na co quep xun nonon ma', wiricoco oro taramaxicon nucucun oro sacerdote cocon oro taramaxicon nucucun oro guarda co querec wet nanain cote ne xiricon Iri' Jam ma', cocon oro xucucun taramaxicon nucucun oro judeu ma' quem. Tomi' ac tococwa na: Para cut hwein cote ne quit je pana mam' wap wa ma' quem? Ac ca an noc xa taxipa' ta' carawa na pahu' ra na ca tomi' tococwa ma'.

Lucas 22:54

Quep ac cocon na Jeju, an mao ac cocon na pain xiricon sacerdote co iri' taramaxicon. Pedro ma' iri na ne, ja' tequi' pira ca' nonon quem.

João 12:27

Toron tamana napa' xumu pain xocori ca' ac tococwa na. Cain' cain' xiton Te quem? Tomi' ca' xiton ra? Nain ho' ne pain ca jain jain ta' ne ca', pain ca to' i'ina xim capa' carawa ca maqui' pa' xim napa' ca' Te, ca' xiton ra? Om ca na ne pain ca tomi' ac i ma' ton ta. Xi jain jain ta' ara ta' pane ta. To' i'ina tarapa' carawa ca maqui' pa' xim napa'. Je ca maqui' tain macan' ca' na ca tomi' tococwa ma'.

João 13:30

Cao' pin iri nain capam' Judas ma' ne, hwet mao hap ac ca na. Wara xim pin na quem.

João 14:30

Om ta momon tomi' tomi' tiquin' xuhu' pain xocori ca' quem, xi ma' ara ne carawa ca ara xim napa' ca'. To' quiji' pin xim paxi' napa' Caxicon Jam co taramaxicon pe ho' nonon oro wari' pain macan' ca', ane om na con pain ca to' quiji' pin capa' ne, xi taramaxicon pe ho' capa' ta.

João 7:30

Quep xun paxi' nonon Jeju quem, ane om quep ac cocon ne. Xi maqui' querec ne xec nein ca wara coromicat an pe xo' ca Iri' Jam pain ca quep totoron ta con ma'.

João 7:45

Oro guarda cara ne, in mama' ac cacain na ca to pan caca oro taramaxicon nucucun oro sacerdote cocon oro fariseu ma'. Tomi' querec pan ac caca na oro taramaxicon: Je xi an qui' hun Jeju quem nonon.

Atos 26:18

Ac ca to' querec pin momon tara pain tococon ma', ma' ta querec pin' cacapa'. Ac ca to' xuruxut ni ca' momon tara pain ca jitacat nein ma', pain ca xuruxut pin xin cacain naran ne ca', pain ca an to pin xin cacain ca caracat nucucun ma' quem. Taramaxicon pe ho' taramaxicon pe ho' om pin ac cocon tara Caxicon Jam, taramaxicon pe ho' pin ac cocon tara Iri' Jam ma' quem. Howa iri tatarapa' ne, xic am pin ac tococwa tara pain ca caracat nucucun, aram aram mi' mi' ac tococwa tara pain oro ca param nucun Iri' Jam ca cut to xo' mi' xun tococwa pain oro wari' nucun co to' hohot pin ca ma'. Ac i ma' na ca tomi' capa' Jeju pane.

Efésios 6:12

Xi wari' caca co mixita iri' ta. Oro caxicon jam nana co mixita iri'. Mixita ururun oro caxicon jam cocon oro taramaxicon nucucun co taramaxicon to ho' nanain oro ca om awi wa pain macan' ca', cocon oro wari' co ac ca to cacain ca jitacat nein na pain ca ari cocon Iri' Jam ma' quem. Mixita ururun oro caxicon jam co hwara' opa to nanain nanawin cain quem. Wiricoco co mixita iri' ta.

Colossenses 1:13

Xi wirico ara ca co to' witan ca' napari' con Caxicon Jam ma', co taramaxicon pe nain ca jitacat nein xim ma'. To' witan ca' napari' con, an to pin ac capari' na pain ca taramaxicon pe ca Panxica co om noc ca ma'.