Lucas 22:52 - Tradução Bíblica Pacaas Novos

⁵² Cain' cain' xihwe quem ac tococwa na co quep xun nonon ma', wiricoco oro taramaxicon nucucun oro sacerdote cocon oro taramaxicon nucucun oro guarda co querec wet nanain cote ne xiricon Iri' Jam ma', cocon oro xucucun taramaxicon nucucun oro judeu ma' quem. Tomi' ac tococwa na: Para cut hwein cote ne quit je pana mam' wap wa ma' quem? Ac ca an noc xa taxipa' ta' carawa na pahu' ra na ca tomi' tococwa ma'.

Lucas 22:52 Iomraidhean Croise

Mateus 26:47

Tomi' tomi' wet na Jeju, maqui' ac ca na Judas ma', co to' 12 naparut pain ca taxipa' urut con Jeju cwa'. Mija nana wari' co ja' ja' nonon. Om ca paric camain' caca, mija nana. Wiricoco oro taramaxicon co hwet jun nonon. Mo nana: Oro taramaxicon nucucun oro sacerdote ma', oro taramaxicon nuxut pain ca judeu urut ca' quem, wiricoco co hwet jun nonon. Cut nana cote ne quit je pana ca mam' wap wa quem.

Mateus 26:55

Cain' cain' xihwe quem ac tococwa na oro wari' co quep xun nonon ma'. Para cut hwein cote ne quit je pana mam' wap wa pain ca quep xim mahu' ma' quem? Ac ca an noc xa taxipa' ta' carawa na pahu' ra na ca tomi' tococwa ma'. Wara pe ho' paxi' inuhu' pain oro xijein xec pane, pain ca ca' na pe tain cote ne xiricon Iri' Jam capijacon pane. Je xi quep qui' mahu' pain i cain pane?

Lucas 22:37

Xi na ara ne pain ca hwet pin ne ca xirao' pe xine capijacon Iri' Jam ta. Ca' na ca xirao' pe nein: Ac ca caracat ca na cocon, xi to' pa' wi ara cocon cocon oro caracat ta na ca xirao' pe nein. Je ca tomi' xuhu' ca' ac tococwa na. Na e' na pain ca hwet pin ne ca xirao' pe nein pata'. Hwet pin ta' na ca xirao' pe nein pata' na ca tomi' tococwa ma'.

Lucas 22:4

Hwet ac tococwa na oro taramaxicon nucucun oro sacerdote cocon oro taramaxicon nucucun oro guarda co querec wet nanain cote ne xiricon Iri' Jam, tomi' xo' ac tococwa na: Cain' cain' xita' con Jeju pahu' quem? Quep xiho' xuhu', tomi' mi' xuhu' con ta tata.

Lucas 22:51

Om na, maho' je ta ac ca na Jeju. Quep pan ac cain na taraxicon, to' xio pin ac con na quem.

Lucas 22:53

Wara pe ho' paxi' inuhu' pain oro xijein xec pane, pain cote ne xiricon Iri' Jam pane. Je xi quep qui' mahu' pain i cain pane? Je i ma' pahu' ta ac tococwa na. Maqui' pin na iri' hora nuhu' ma', pain ca ara xim mahu' pain ca param nuhu' ma'. Maqui' pin na iri' hora nucun Caxicon Jam co taramaxicon pe ho' nonon oro caracat ta na ca tomi' tococwa ma'.

João 17:12

Pe ho' pe ho' wet iri inonon ne, narain ho' ac toton na pain oro ca om awi wa pane, mam' narain ho' inonon pain ca hwara' opa nem ca mi' mapa' pane. Querec wet xo' inonon. Om ca pan' ara'am camain' caca. Ma' xica' pe e' na co ma' co mao tarain cote ne xe ta ma pain cara pane, pan' am na co ma'. Ma' ta hwet pin ne ca xirao' pe xine pain capijam con pane ta non.

Atos 5:26

Maji cocon ta ac ca na taramaxicon ma', ja' ja' ac cocon na oro guarda. Cut qui' ac tococwa na oro apóstolo quem. Tomi' toto tata, om ca quep em' tococwa. Xi jin' ara tococwa oro wari' ta. To' to' cono' pin tatarapari' xi' pain pacun ma nana.