Lucas 22:42 - Tradução Bíblica Pacaas Novos

⁴² Te ac con na. Mo ta nain ho' xim mapa' pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem. Ane param e' tain ca param nem ne. Noc inain ca param ne ca' na ca tomi' con Cote ca.

Lucas 22:42 Iomraidhean Croise

Mateus 11:25

Tomi' ac con na Iri' Jam Jeju: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'.

Mateus 11:26

Je ca param nem ma' quem Te. Hohot nem pain ca xiram pa' momon ta na ca tomi' con Iri' Jam.

Mateus 20:22

Xi taxi' hwein carawa ca wajim' mahu' ta ac tococwa na. Jain jain tamana ta' pain ca quep em' xim cacapa' oro wari' ta. Ha' turuhu' pain ca jain jain xiho' ac i ma' mahu' quem na ca tomi' tococwa ma'. Ha' naparut ta nonon.

Mateus 26:39

Xut xut xat, pe torotop tucu hwet mi' ac cain na macan'. Tomi' ac con na Cote ca: Te ac con na. Am xin ne mapa' pain ca tomi' xim ca'. Nain ho' ne pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem, ane param e' tain ca param pan nem ne. Noc inain ca param ne ca' na ca tomi' con Cote ca.

Mateus 26:42

In ca' mami' ac tococwa na, tomi' mami' ton Te ta ac ca na quem. Te ac con na. Am om xin ne mapa' pain ca tomi' xim ca', pain ca nain ho' ne pain ca jain jain ta' ne pain ca mi' pin ta' ne ca' xim ca'. Mo ta jain jain ra mapa', mo ta mi' pin ra mapa' quem. Je i ma' pum ta Te. Param e' inain ca param pan nem ta na ca tomi' con ma'.

Mateus 26:44

Paca' mami' ac tococwa na, tomi' mami' ac con na Cote ca. Je win 3 pin ne ca tomi' con Cote ca. Ac ca wara tomi' con cara ne na pain ca tomi' mami' con ma'.

Mateus 6:10

Param urut pum pain ca maqui' hap ne xec pain ca taramaxicon pe ho' taramaxicon pe ho' xam' momon oro wari' pain oro xijein macan' ca' quem. Param urut pum pain ca tomi' ha' tomi' ha' xam' quequem oro wari' pain oro xijein macan' ca' quem. Win caca oro jam co taramaja mi' nenem ma', pain ca tomi' ha' tomi' ha' pi' pin quequem pain pawin ma'.

Marcos 14:36

Te. Te ac con na. Om na carawa ca tanacam' nem ta Te. Nain ho' ne pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem. Ane param e' tain ca param pan nem ne. Noc inain ca param ne ca' na ca tomi' con Cote ca.

Lucas 23:34

Tomi' ac con na Cote ca Jeju: Xic am pin rain ca caracat nucucun caram cwa' quem Te. Xi ma' ne ximicocon ta. Hohot tara ma' nana pain ca tatatain mi' cacapa' pain pana ca' non. An an xam' xun womicon cwa' ta ac caca na oro soldado ma' quem. Ma' xi an non co cwa' ne, ma' xi an non co cwa' ne xucucun, ara ara ac cacain na ca ara taxipa' caca ma', taxi' ac xucucun na con wom co an xi' caca ma'.

João 18:11

Om na, joc corom pin rain cote ne quit nem pain jajinain ma' ta Pedro ac con na Jeju. Cain' cain' xima quem ac con na. Noc inain xiton Te pain ca jain jain ra capa' pain ca mi' pin ra capa' ra? Om ca noc inain ton ta. Na e' na pain ca tomi' ha' ton, na e' na pain ca jain jain ta' pain ca mi' pin ta' ta' ca', xi wirico ara ca co jain jain ra napa' ta na ca tomi' con ma'.

João 4:34

Tomi' ac caparut na: Ac carawa ca cao' wa napa' ca tomi' ha' ton Te co hwet roron oro wari' ta napa' pane. Ac carawa ca cao' wa napa' ca ara ara pi' pin tain ca taramaja ne ca ara ra capa' pane.

João 5:30

Om na carawa ca ara taxi' ta' pain ca param pan ne. Tomi' querec iri inonon oro wari' pain ca ac juiz ta' cocon ne, pain ca tomi' querec toton pain carawa ca ara caca ma', pain ca wum co em' ta toton ma', tomi' ha' e' inain ca tomi' nucun Te pain ca tomi' querec roron capa' ma'. Tomi' xo' e' inonon pain ca em' hwe, mama' jein cote ne xe ta toton. Xi win xumu tain ca param pan ne ta. Win xumu e' inain ca param pan nucun Te co hwet roron oro wari' ta napa' cwa' na ca tomi' cocon oro taramaxicon Jeju pane.

João 6:38

Pain ca quiji' qui' tain pawin pane, om ca maqui' ta' pain ca ara tain ca param pan ne ta', om na. Ara tain ca param nucun Te co hwet roron oro wari' ta napa', je ca ara ta' ta' pain ca quiji' qui' tain pawin pane.

Atos 21:14

Querec pin' iri urut con pain ca om ha' caparut pain ca tomi' mip urut con ne, tomi' tomi' om ac urut con na. Je i ma' ta, param e' urut pain ca param pan nucun Iri' Jam ta ac urut na.