Lucas 22:41 - Tradução Bíblica Pacaas Novos

⁴¹ Xut wijimain ca' ac tococwa na, pe torotop pe ac ca na, tomi' ac con na Cote ca:

Lucas 22:41 Iomraidhean Croise

Mateus 26:39

Xut xut xat, pe torotop tucu hwet mi' ac cain na macan'. Tomi' ac con na Cote ca: Te ac con na. Am xin ne mapa' pain ca tomi' xim ca'. Nain ho' ne pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem, ane param e' tain ca param pan nem ne. Noc inain ca param ne ca' na ca tomi' con Cote ca.

Marcos 14:35

Xut xut xat, terem' tucu mi' ac cain na macan'. Tomi' ac con na Cote ca. Am ha' quem, pain ca nain ho' mapa' pain carawa ca ara xim napa' pain xec ca' quem.

Lucas 18:11

Corom mama' iri nanain ca tao' caho' nein cote ne xiricon Iri' Jam ne, xat pe ac cain i ma' na fariseu ma'. Tomi' ton Iri' Jam ta ac ca na. Om ca hwet ne ca tomi' nucun, tomi' pan xucun pain ca coromicat nucun. Ca' na ca tomi' con ma': Iri' Jam ac ca na. Tomi' querec te inem pain ca om an xiho' toton oro caracat ma': Co param ximama' nanain caramaxicocon oro win ma' caca ma', co om ximicocon ma', co quep nanam manacocon oro win ma' caca ma' quem, tomi' querec te inem pain ca om an xiho' toton ta. Tomi' querec te inem pain ca om an xiho' ton caxicon wari' cwa' quem, co cut in taxipa' nain imposto cwa'.

Lucas 18:13

Co ma' co cut in taxipa' imposto ma' iri na ne, mo mo pe na. Om ca noro piri' ca, noro quiji' nain macan', xi wixipa' ara ca ta. Wap nain quimacon pain ca querec pin' xucun pain ca pan tem nucun. Xiram pa' ne ta Iri' Jam. Caracat ara xi' ina ta na. Ac i ma' na ca pijim' nucun Jeju ma'.

Atos 20:36

Pi' pin iri na ca tomi' nucun ne, pi'am to xi', tomi' xun Iri' Jam ac ca na, torotop pe ac ca na, torotop to torotop to pi' pin nana. Tomi' ac con Iri' Jam na.

Atos 21:5

Ane om ha' cocon Paulo ne. Maqui' iri na xec nein ca tiquin' mama' xi' urut ne, mama' xi' urut ta ac urut na, ja' mama' ac cacaparut na pain wanaji cacarain com quem. Ja' ja' ja' ja' pi' pin nanaparut, wiricoco pain ca tarama' nucucun ma', jicocon mana panxicaca cacam mana panxicaca ma' quem, ja' ja' ac cacaparut na quem. Torotop to ac urut na pain caramaxut ma', pain cacarain com ma', tomi' ac urut con na Iri' Jam.

Atos 7:60

Pe torotop pe ac ca na, merem mip ac ca na: Taramaxicon ne. Ta mana' momon pain ca caracat nucucun me ta non. Merem ac i ma' iri na ne, mi' pin ac ca na.

Atos 9:40

Hwerehwet ca' jein man ca' ac cacam na Pedro. Hwerehwet mama' hwerehwet mama' pi' pin iri nana ne, pe torotop pe ac ca na. Tomi' ac con na Iri' Jam. Xin in hwet ac cam na, tomi' ac cam na: Tequi' pe ra e' ta Tabita nam. Querec ac cama na. Querec iri non Pedro ne, xao pe ac cama na.

Hebreus 5:7

Pain ca pe pe wet cain macan' Jeju pane, tomi' non Cote ca. Merem na, merem mip na pain ca tomi' con ma'. Aca na quem. Xiram pa' ne me Te ac con na. Wum co to' witan taxi' ca' napa' pain ca mi' pin wa ca' ac con na. Ha' ac ca na quem, xi om ne ca xut xo' pan ara ca pain ca win xumu e' cain ca param nucun ta.