Lucas 22:39 - Tradução Bíblica Pacaas Novos

³⁹ Paca' ac cain na Jerusalém Jeju, mao ac cain na Pacun Nein Oliveira. Je curucun pane. Ja' ja' nonon co taxipa' ca quem.

Lucas 22:39 Iomraidhean Croise

Mateus 21:1

Wixicam pin iri urut pain Jerusalém ne, hwet ac urut pain na Betfagé ma', ca pe ja' pan nain Pacun Nein Oliveira ma'. Tomi' ac tococwa na win ma' nuxut pain ca taxipa' urut con ca'. Ma' 2 nana co tomi' ca.

Mateus 26:30

Com iri urut pain tamara' pain ca in ac urut con Iri' Jam ne, hwerehwet mama' ac urut na, mama' ac urut pain na Pacun Nein Oliveira ma'.

Marcos 11:11

Wa' mao ac cain na Jerusalém Jeju, corom mao ac cain na ca tao' caho' nein cote ne xiricon Iri' Jam quem. Noro noro pi' pin iri tata oro wari' pain oro ca ara caca ma' ne, hwet mao ac ca na. Maji ta ac tococwa na co taxipa' ca ma', co ma' 12 nana ma'. Mama' ac cacain na Betânia, xi om ne ca wara irawin pin ara ne ta.

Marcos 11:19

Irawin pin iri na ne, paca' ac cain na Jerusalém Jeju cocon co taxipa' ca ma'.

Marcos 13:3

Mama' ac cacain na Pacun Nein Oliveira ma'. Xao pe ac ca na Jeju. Querec pira nanain cote ne xiricon Iri' Jam pain xijein cacarain taparain com ma'. Tomi' querec pan ac con na Pedro con Tiago con João con André. Xica' to nana, om nana xucucun. Tomi' querec ac cocon na:

Marcos 14:26

Com iri nanain tamara' pain ca in ac cocon Iri' Jam ne, hwerehwet mama' ac caca na, mama' ac cacain na Pacun Nein Oliveira ma'.

Lucas 21:37

Jeju ma', pijim' pe taxipa' nain ca tao' caho' nein cote ne xiricon Iri' Jam pain oro xijein xec pane. Je ca ca' na to taxipa' tococwa pain capijacon Iri' Jam oro wari' pane. Irawin pin iri na ne, maji ta ac tococwa na co taxipa' ca ma', mama' ac cacain na pacun ma', Pacun Nein Oliveira ma'. Je ca pi'am to taxipa' caca ma'.