Lucas 22:36 - Tradução Bíblica Pacaas Novos

³⁶ Ane tomi' ni xuhu' pain xocori ca' ne ac tococwa na. Mo ta ma' cuhu' dinheiro, cut ac hwein tara. Mo ta ma' cuhu' caji coco ca mam' cut wa carawa ma' quem, cut ac hwein tara. Mo ta om cuhu' cote ne quit, vender ac hun tara to' om capin' nuhu', mam' an ac hwein tara cote ne quit quem.

Lucas 22:36 Iomraidhean Croise

Mateus 10:10

Ta cut hwein caji coco ca mam' cut wa carawa ma' quem me. Ta cut tocwan hun wom je caji caxim je pana ca mam' pan xu wa quem me. Mi' pan tuturuhu' pain carawa ca cao' wa oro wari' co quep xiho' xi' hwe, xi hohot ara ne pain ca mi' xihwe pain carawa pain ca taramaja nuhu' ta naparut.

Lucas 22:35

Cain' cain' ne quem? Tomi' querec xuhu' ta ac tococwa na. Pijim' mama' jein pira iri inuhu' pane ne, tomi' ac xuhu' na: Ta cut hwein dinheiro me ta, ta cut hwein caji coco ca mam' cut wa carawa me ta, ta cut tocwan hwein caji caxim quem me ta, ac i ma' na ca tomi' xuhu' pane. Je ca tomi' querec xuhu' ca': Ma' na xec pain ca ximin hwe pane quem? Om ca tama' ma' cuhu' ca param hwe quem ra tata. Ma' naparut ta, om ca ximin camain' urut pane ac caca na.

Lucas 22:37

Xi na ara ne pain ca hwet pin ne ca xirao' pe xine capijacon Iri' Jam ta. Ca' na ca xirao' pe nein: Ac ca caracat ca na cocon, xi to' pa' wi ara cocon cocon oro caracat ta na ca xirao' pe nein. Je ca tomi' xuhu' ca' ac tococwa na. Na e' na pain ca hwet pin ne ca xirao' pe nein pata'. Hwet pin ta' na ca xirao' pe nein pata' na ca tomi' tococwa ma'.

Lucas 22:38

Tomi' ac cocon na co taxipa' ca ma': Noro ra Taramaxicon nuxut. Ma' 2 naparut cote ne quit ca' nonon. Je i ma' ira, tomi' ximama' maho' je ta ac tococwa na.

João 15:20

Mam' pe wet jein ca tomi' xuhu' pane: Wari' co taramaja mi' e' non taramaxicon nucun ma', om ca hwara' opa tiquin' ca' con taramaxicon nucun, ac i ma' na ca tomi' xuhu' pane. Je ca tomi' xuhu' ca': Carawa ca ara mi' cacapa' oro wari' ma', je ta ara mi' cucuhu' quem. Ja' tequi' quep em' nanapa' oro wari' co noc nanapa' ma', ja' tequi' quep em' ac cucuhu' tara quem. Ma' nana co tomi' ha' nanapa' pain ca tomi' xo' toton pain capija ca', ma' ac caca tara co tomi' ha' nunuhu' pain ca tomi' xo' huhun pain quem.

João 16:33

Tomi' hwet inuhu' pain oro ca tomi' ne ca', ma' ta om toron ne xumuhu' pata' inuhu'. Ma' paxi' turuhu' oro ca to' i'ina nuhu' pain macan' ca'. Na e' nuhu' pain ca hwara' opa hwe. To' quiji' pin ara xi' inon co ma' co taramaxicon pe ho' nonon oro wari' co om howa nonon Te ta na ca tomi' caparut ca'.

1 Tessalonicenses 3:4

Pain ca to ho' to ho' wet urut pahu' pane, wara tomi' pe urut pahu' pain ca main quep em' xuxun cacapari' oro wari' pain ca howa nexi' ca' urut pahu' pane. Je ca ara napari' quem, taxi' hwein.

1Pedro 4:1

Je ca tomi' xuhu' ca'. Jain jain na Cristo pain ca wari' nucun pane, pain ca ma' ne curucun pane. Je ta wara awori xo' qui' hwe pain ca an xiho' hun pain ca coromicat nucun quem, pain ca om nain ho' pan xucun pain ca jain jain wa pane. Xi ac i ma' ara ca wari' co quereme nain ca jain jain wa pain ca caxi ne curucun ma'. Noc nain ca caracat wa ta.