Lucas 22:35 - Tradução Bíblica Pacaas Novos

³⁵ Cain' cain' ne quem? Tomi' querec xuhu' ta ac tococwa na. Pijim' mama' jein pira iri inuhu' pane ne, tomi' ac xuhu' na: Ta cut hwein dinheiro me ta, ta cut hwein caji coco ca mam' cut wa carawa me ta, ta cut tocwan hwein caji caxim quem me ta, ac i ma' na ca tomi' xuhu' pane. Je ca tomi' querec xuhu' ca': Ma' na xec pain ca ximin hwe pane quem? Om ca tama' ma' cuhu' ca param hwe quem ra tata. Ma' naparut ta, om ca ximin camain' urut pane ac caca na.

Lucas 22:35 Iomraidhean Croise

Lucas 10:4

Ta cut hwein dinheiro me, ta cut hwein caji coco ca mam' cut wa carawa quem me. Ta cut tocwan hwein caji caxim quem me. Xuruxut cam' iri jujun oro wari' pain ca xuruxut hwein wana ma' ne, ta momon coco' hwe pain ca pijim' ximama' xujuhu' me.

Lucas 22:34

Om na ta Pedro ac ca na Jeju. Taraju wet ne e': Tomi' toton momon oro wari' ta. Om ta aca querec ca me pain xec ca', wara tomi' ac momon tara: Om ca querec pin' ton ta ac momon tara pata', ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.

Lucas 22:36

Ane tomi' ni xuhu' pain xocori ca' ne ac tococwa na. Mo ta ma' cuhu' dinheiro, cut ac hwein tara. Mo ta ma' cuhu' caji coco ca mam' cut wa carawa ma' quem, cut ac hwein tara. Mo ta om cuhu' cote ne quit, vender ac hun tara to' om capin' nuhu', mam' an ac hwein tara cote ne quit quem.

Lucas 9:3

Tomi' xo' mam' ac tococwa na. Ta cut hwein oro caramajuhu' me. Pana ca mam' pan xu wa ma', je caji coco ca mam' cut wa carawa ma', je carawa ca cao' wa ma', je dinheiro ma', ta cut hwein me ta. Ta cut tocwan hun wom quem me.

2 Coríntios 8:15

Win ne ca xirao' pe xine pain capijacon Iri' Jam quem, pain ca cut qui' cacain capam' ca camara' qui' nain pawin pane. Ca' na con: Co cut in tamana ma', hohot non. Co cut in wijimain ma', hohot non quem, om ca ximin ca, ac i ma' na ca xirao' pe xine pain capijacon Iri' Jam pane.