Lucas 22:33 - Tradução Bíblica Pacaas Novos

³³ Om na, om ta an pe camain' xim ta ac ca na Simão ma', co Pedro ma'. Mo ta quep wi xim cacapa' pum, mo ta to' pa' wi xim cacapa' pum quem, je i ma' tara, om ta an pe camain' xim ta non.

Lucas 22:33 Iomraidhean Croise

Mateus 20:22

Xi taxi' hwein carawa ca wajim' mahu' ta ac tococwa na. Jain jain tamana ta' pain ca quep em' xim cacapa' oro wari' ta. Ha' turuhu' pain ca jain jain xiho' ac i ma' mahu' quem na ca tomi' tococwa ma'. Ha' naparut ta nonon.

Marcos 14:29

Tomi' pan ac ca na Pedro: Paca' paca' pi' pin paxi' teterem oro xucucun co taxipa' ma cwa'. Wata' iri na ne, om ta paca' xim ta na ca tomi' con ma'.

Marcos 14:31

Om na ta ac ca na, tomi' mip na. Om ta tomi' ac i ma' toton. Mo ta to' pa' wi pin xim cacapa' pum, je i ma' ira, om ta tomi' camain' toton pain ca om ca querec pin' ton ta toton pum na. Ac je ac je pi' pin na ca tomi' nucucun oro xucucun ma' quem.

Lucas 22:34

Om na ta Pedro ac ca na Jeju. Taraju wet ne e': Tomi' toton momon oro wari' ta. Om ta aca querec ca me pain xec ca', wara tomi' ac momon tara: Om ca querec pin' ton ta ac momon tara pata', ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.

Lucas 22:57

Om na ta narima'! Om ca querec pin' ton ta ac ca na.

João 13:38

Iri'o' tara pum ra ac con na Jeju. Ame ma e' Pedro. Om ta aca querec ca me pain ca xec pin ta' ne ca', wara tomi' ac momon tara oro wari': Om ca querec pin' ton ta ac momon tara pata', ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.

Atos 21:13

Ane tomi' in pin caparut ne. Para tomi' ac i ma' mahu' quem? Para ja' naro xim mahu' pain ca awaran nuhu' ma' quem? Je i ma' ira ina ta. Hohot napa' pain ca pao' pe xim cacapa' pain Jerusalém ma', hohot napa' pain ca to' pa' pin xim cacapa' pain ca taramaja mi' ton Taramaxicon nexi' Jeju ma' quem, ac i ma' na ca tomi' in pin caparut.