Lucas 22:31 - Tradução Bíblica Pacaas Novos

³¹ Simão Simão, taraju wet ne e' ac ca na Jeju. Param nuhu' Caxicon Jam. To' i'ina xuhu', am ja' camara' xuhu' ta nuhu'. Tomi' non Te Iri' Jam quem, ta narain ho' mapa' cocon me ta non pahu'.

Lucas 22:31 Iomraidhean Croise

Mateus 26:30

Com iri urut pain tamara' pain ca in ac urut con Iri' Jam ne, hwerehwet mama' ac urut na, mama' ac urut pain na Pacun Nein Oliveira ma'.

Mateus 4:10

In ca' ne ta Caxicon Jam ac con na Jeju. Xi xirao' pe ara xine pain capijacon Iri' Jam ta: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta na ca xirao' nein con ta. Ac i ma' na ca tomi' in pin con Caxicon Jam Jeju.

Lucas 10:41

Marta Marta ac cam na Taramaxicon nexi'. Toron tamana na xumum pain oro carawa ca ara ma ma'.

Atos 9:4

Pan' mao ac cain na macan'. Taraju ac cain na ca tomi' wa: Saulo. Saulo. Para quep em' mapa' ma' quem Saulo, ac i ma' na ca tomi' con ma'.

1 Coríntios 5:5

Ca' ac hun tara, mi' ac hun tara con Caxicon Jam, quep xirac ac con tara, quep xirac ac cain tara curucun. Ma' ta witan ne tamataracon pain xec nein ca in qui' ta' nucun Taramaxicon nexi'.

2 Coríntios 2:11

Je ca na e' ne pain ca mana' mana' om pin xun pain ca caracat nucun ma', ma' ta om mixein capari' Satanás. Querec pin' ara xi' urun pain oro ca param ximao nucun pari'.

1Pedro 5:8

Ma' tara xumuhu' con Caxicon Jam ma', co noc nuhu' ma'. Pirao' nuhu', an xiho' non copacao' co xararac ma', co tama' xut in xut in pain ca pirao' cain carawa ca cao' wa ma'. Ac i ma' nuhu' Caxicon Jam quem. Quep xim nuhu'.

Apocalipse 12:10

Taraju ac tain na ca tomi' wa ca maqui' nain pawin. Tomi' mip ca' na: Maqui' pin iri na xec nein ca to' witan pin toton oro wari' ne ta na Iri' Jam nexi', je pain ca tomi' joc mam' mi' cain ca hwara' opa nucun, je pain ca Taramaxicon pin ca ca'. Maqui' pin iri na xec nein ca tora' ca Cristo ma' quem, pain ca hwara' opa pan ca pain ca Taramaxicon pin ca ca'. Xi xin hwet pin ara tocwa co ma' co xina non Iri' Jam ma', co tomi' em' taxipa' nonon oro xerexi' pain xec je pain xim quem.