Lucas 22:3 - Tradução Bíblica Pacaas Novos

³ Corom hwet ac con na Judas Caxicon Jam. Iscariotes na xijein wixicon Judas. To' 12 nonon co taxipa' ca Jeju ma'.

Lucas 22:3 Iomraidhean Croise

Mateus 10:4

Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'. Ma' ac ca na Judas Iscariotes ma' quem. Wirico Judas Iscariotes co quep xiho' nonon oro taramaxicon pain ca quep xun cocon Jeju ma', ame hwe e'. Ac i ma' urut pain ca taxipa' urut con Jeju pane, pain ca apóstolo je caparut pane.

Mateus 26:23

Wirico co cwa' co xin cam wi napa' pain capam' pain too ca mam' cao' wa ca', wirico tara co tomi' mi' xim napa' cocon co noc nanapa' ta ac caparut na.

Mateus 4:10

In ca' ne ta Caxicon Jam ac con na Jeju. Xi xirao' pe ara xine pain capijacon Iri' Jam ta: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta na ca xirao' nein con ta. Ac i ma' na ca tomi' in pin con Caxicon Jam Jeju.

Lucas 22:21

Taraju wet je e' ac tococwa na. Ma' na win ma' nexi' co quep xiho' toton nonon co quep xim nanapa' ta. Cao' pe ho' napari' ta na ca tomi' tococwa.

Lucas 6:16

Ma' ac ca na Judas panxica Tiago ma'. Ma' ac ca na Judas Iscariotes ma' quem. Wirico Judas Iscariotes co aram aram quep xiho' ton nonon co noc nonon Jeju ma', pain ca quep xun cocon ma', ame hwe e'. Ac i ma' nana co apóstolo je ca Jeju pane.

João 12:6

Om paxi' na ca xiram pa' cocon co om nonon carawa Judas ma'. Tomi' ac i ma' e' na, xi om ne ca an noc xa taxipa' ara ca ta. Wirico ara xi' na co querec wet nain dinheiro nuxut, an noc xa wijimain an noc xa wijimain ac cain na quem.

João 13:18

Pain ca tomi' xuhu' ne, pain ca param mi' turuhu' pain ca awi wa Iri' Jam ta xuhu' ca', om ca tomi' tomi' xam' xuhu' ta ac caparut na. Xi querec pin' ara xuhu' pain ca xo' tora' qui' xuhu' pane. Querec pin' inain ca coromicat nuhu'. Ane tora' pan xuhu' pane ne. Ma' ta hwet pin ne capijacon Iri' Jam ca xirao' pe ca taramaxicon Davi cara pane, pain ca xirao' pe cain ca tomi' pan ne pane. Ca' na ca xirao' pe nucun pata': Noc pin napa' win ma' ne co cao' pe ho' napa' ma', ac i ma' na ca xirao' nucun pata' pane.

João 13:2

Irawin cao' ac urut na. Judas ma', panxica Simão Iscariotes ma', wara coromicat ca' na quem: Quep xiho' toton oro taramaxicon pain ca quep xun cocon Jeju ta na. Tomi' mi' toton con ta na. Wirico Caxicon Jam co mi' non pain ca coromicat ac i ma' nucun.

Atos 5:3

Tomi' querec pan ac con na Pedro: Para om ari mon Caxicon Jam pain ca quep mip xim quem ma', pain ca mixein rain Tamataracon Iri' Jam quem ma' Ananias? Xi pe ho' cara ara quem tamain dinheiro ca cut ma pain macaram ta.