Lucas 22:27 - Tradução Bíblica Pacaas Novos

²⁷ Je ca tomi' xuhu' ca' ac tococwa na. Ma' wari' co hwara' opa ma' quem? Hwara' opa na co xao pe pe nain pana ca mam' cao' pe wa ra? Hwara' opa na co mi' non pain carawa ca cao' wa ra? Om na, hwara' opa pan na co xao pe pe nain pana ca mam' cao' pe wa, wirico pan na co hwara' opa tiquin' pan. Ane om ac i ma' pan ta' ne. Hwara' opa tiquin' pan paxi' ina pahu', ane an xiho' ton wari' co taramaja mi' e' non xucun wari' ne. Win ca wari' co xat pe ho' non win ma' ca pain ca mi' con pain carawa ca cao' wa ta na ca tomi' tococwa ma'.

Lucas 22:27 Iomraidhean Croise

Mateus 20:28

Win ta' ca', pain ca Iri' Wari' ta' ca'. Om ca maqui' ta' pain ca taramaja mi' xine xuhu', om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' caparut ca'.

Lucas 12:37

Oro wari' co taramaja mi' e' nonon taramaxicon nucucun ma', mo ta ma' ne ximicocon pain ca winim' xo' cocon taramaxicon nucucun pain ca aram aram in qui' ta' nucun ma', param mi' ac tococwa tara pain ca awi wa. In qui' iri tara taramaxicon nucucun ne, pe pan ac con tara womicon wari' co taramaja e' ma', tomi' pan ac tococwa tara: Xao to jein pana ca mam' cao' to wa ca', maxiram' mi' ac xuhu' tara pain carawa ca cao' wa ta, ac i ma' tara ca tomi' tococwa, tomi' iri'o' inuhu'.

2 Coríntios 8:9

Win ca Taramaxicon nexi' Jeju Cristo cwa'. Taxi' ara xi' hun pain ca xiram pa' tamana capari'. Caramaju tamana paxi' na pain ca hwara' opa tamana nucun pain ca taramaxicon nucun pane, je pain ca Iri' Jam nucun pane. Ane an pe pin tain pahu' ta capari' ne. An pe pin iri nain ne, wari' pin ac ca na, ximin pin ac ca na quem. Ma' ta to' caramaju pin xuhu' pain ca mi' xim xuhu' pain oro ca awi wa con Te ta napari'.