Lucas 22:19 - Tradução Bíblica Pacaas Novos

¹⁹ An iri nain capam' ne, tomi' ac con na Iri' Jam: Tomi' querec te urut pum pain ca mi' maparut pain capam' ca' quem Te non, jicat caracan ac cain na, mi' ac tococwa pain na. Capam' ca', an xiho' nain cwere ta ac tococwa na. Om ca narain ho' xuhu' pain. Cao' jein, tama' ara cara jein, ma' ta mam' pe wet mahu' pain ca mi' pin caho' xim xuhu' ca' inuhu' ta ac tococwa na.

Lucas 22:19 Iomraidhean Croise

Mateus 14:19

Xao to jein tononoin ma' ac tococwa na oro wari' ma'. Cut ac cain na capam' ca ma' 5 ma', wirico hwam co ma' 2 ma' quem. Cut iri nain ne, noro pawin ac ca na, tomi' ac con na Iri' Jam. Tomi' querec te urut pum pain ca mi' maparut pain capam' con hwam cwa' quem Te non, jicaracat ac cain na capam', cut mi' ac caparut pain na. Cut mi' ac caparut na con hwam quem. Maxiram' mi' ac urut cocon pain na oro wari'.

Mateus 15:36

Cut pin iri nain capam' ca ma' 7 ma' ne, wirico hwam ma' quem, tomi' ac con na Iri' Jam: Tomi' querec te urut pum pain ca mi' maparut pain capam' con hwam cwa' quem Te non, jicaracat ac cain na, cut mi' ac caparut pain na pain ca taxipa' urut con ca'. Maxiram' mi' ac urut cocon pain na oro wari' ma' quem.

Lucas 22:17

An iri nain ca mam' toc wa ca ji'ao pe xine comi memem ma' ne, tomi' ac con na Iri' Jam: Tomi' querec te urut pum pain ca mi' maparut pain comi memem ca' quem Te non, tomi' ac tococwa na: Ma' ta. Toc toc xam' jein ta tata.

Lucas 22:20

Ac i ma' na pain comi memem quem. Cao' cao' pi' pin iri nana ne, an ac cain na ca mam' toc wa ca ji'ao pe xine comi memem, tomi' ac tococwa na: Comi memem ca ji'ao pe xine pain ca mam' toc wa ca', an xiho' nain cocu. Je ca to' querec pin' cuhu' pain xocori ca tomi' an pe xo' mi' cuhu' Iri' Jam cwa', pain ca to' witan xim cuhu' ca'. Ao mao iri tara cocu pain ca mi' pin caho' xim xuhu' ca' ne, je win ara pin tain cain ca tomi' pe nucun ta na ca tomi' tococwa ma'.

Lucas 24:30

Xao to ho' iri xucucun pain pana ca mam' cao' to wa ne, an ac cain na capam' Jeju, tomi' ac con na Cote ca: Tomi' querec te urut pum pain ca mi' maparut pain capam' ca' Te ac ca na, jicat ac cain na, mi' ac tococwa pain na quem.

João 6:23

Ma' ac ne na oro wirain mam' horoho wa ca maqui' nain Tiberíades ma' quem. Piri' to xin i ma' ta ac caca na oro wari' nein, piri' to ja' pan ac cacain na ca cao' to cacain capam' oro wari' cara ne, ca tomi' pe qui' con Iri' Jam pain ca tomi' querec te urut pum pain capam' ca' quem Te qui' ca pane.

João 6:51

Wata' co Iri' Capam' ca mi' nain ca e' cara wa pain pawin. Quiji' qui' inain pawin ta. Wari' co cao' napa' pain ca Iri' Capam' ta' ca', e' cara ac ca tara pain pawin. Capam' ca mi' ta' ta' ca', je cwere ca'. Mi' tain cwere. Ma' ta e' caca oro wari' ta ina na ca tomi' tococwa ma'.

1 Coríntios 10:16

Toc xin comi memem iri iri' ne. Tomi' querec te urut pum pain ca mi' maparut pain iri urun Iri' Jam ne. Querec pin' wi ac irin na quicon Cristo pain ca hohoc pin capari' pain ca caracat nexi'. Jicaracat cao' pin iri irin capam' ma' ne, querec pin' wi ac irin na curucun pain ca mi' pin caho' capari' quem.

1 Coríntios 10:4

Ac i ma' nanain com quem, toc toc pi' pin nanain com ca mi' cocon Iri' Jam quem. Om na xijein com ca toc caca, toc e' nanain com ca mi' cocon Iri' Jam pane, ca weweweo qui' nein pacun con Iri' Jam pane. Taraju wet je e', pacun ca weweweo qui' ne com pane, an xiho' non Cristo co tama' ja' ja' nonon pane. Wirico co querec wet nonon pane.

Gálatas 1:4

Taramaxicon nexi' Jeju Cristo ma', om ca narain ho' xucun pari'. Mi' pin caho' napari', xic am ca' napari' pain ca caracat nexi'. To' witan napari', ma' ta ha' cuhu' pain ca om an xiho' mami' huhun pain oro ca pan teretem nucucun oro wari' co om howa nanapa' ta napari'. Je ca param mi' capari' Cotere' Iri' Jam.

Gálatas 4:25

Cote ne pacun Sinai ma', ca pe nain Arábia ma', tomi' joc mam' mi' ta cam Agar ma'. Ac i ma' na Jerusalém ca pe nain macan' pain xocori ca' quem, tomi' joc mam' mi' ta cam Agar. Oro wari' nein Jerusalém ma', ac ca taramaja mi' e' cocon na xucun wari' pain ca taramaja mi' e' cacain ca xirao' nucun Moisés. Win cama Agar con cawinacam pane, pain ca taramaja mi' e' cocon xucun wari' pane.

Efésios 5:2

Ta noc camain' xujuhu' me. Win ca Cristo pain ca om noc qui' capari' pain ca om narain ho' qui' xucun pari' pane, ac i ma' je pain ca om noc xujuhu' me. Mi' pan xucun con Iri' Jam Cristo. Ma' ta mi' pin caho' toton ta non pari' pane. Hohot tamana non Iri' Jam quem, hohot tamana non pain ca mi' pin caho' capari'.

1 Tessalonicenses 5:18

Tomi' querec te jun pain oro ca ara nuhu' ma' quem. Mo ta hohot cuhu' oro carawa ma', mo ta om hohot cuhu' ma' quem, je je ari na. Tomi' querec te jun pain Iri' Jam. Je ca param mi' cuhu' ma', pain ca win cwere hun Cristo Jeju ma'.

Tito 2:14

Om ca nain ho' xucun pari' pane, mi' pin caho' xuhu' ta napari' pane. Ma' ta to' witan ca' xuhu' pain oro ca pan teretem nuhu' ta napari'. Ac ca hohoc capari' na pain quicon. Ma' ta to' om pin tain ca caracat nuhu' ta napari'. Ma' ta iri' wari' ne xuhu' ta napari'. Param napari' pain ca win xumu xun pain ca tama' ara xin oro ca awi wa quem.

1Pedro 2:24

Wirico co quereme ma', pain ca tatatain pe tocwa pain pana pane. Cut pi' pin nain ca caracat nexi' pain curucun. Ma' ta caracat caracat om pin hwe ta napari'. Ma' ta xuruxut xo' hwe pain ca ara e' hwein ca awi wa ta napari' quem. To' xio pin nuhu', xi om ne ca wap wein pin ara xine curucun pane ta.