Lucas 22:18 - Tradução Bíblica Pacaas Novos

¹⁸ Om ta toc mami' tain comi memem ta ac tococwa na. Tomi' iri'o' inuhu', om ta toc mami' tain comi memem. Om om, maqui' pa' ac capa' tara xec nein ca taramaxicon pe ho' toton cocon oro wari' Iri' Jam ta. Je tara ca win toc mami' tain ta' ta ac tococwa na.

Lucas 22:18 Iomraidhean Croise

Mateus 16:18

Je ca tomi' xim ca' Simão ac con na. Pedro na xijein wuxum. Xi om ne ca ac pacun ara ma ta. Je ara xi' na ca tomi' mao nein wuxum. Ca tomi' hwet nem ma' quem, pain ca howa inem pain ca Cristo ma ma', pain ca Panxica Iri' Jam ma mapa' ma', ac iri' cote ne pacun na. Oro wari' co howa ac i ma' xi' nanapa' ma', iri' wari' ne ac toton tara, to' hwara' opa ac toton tara quem. Om ta to' quiji' pin ac cocon Caxicon Jam co taramaxicon pe ho' nonon oro win caxicon jam ca quem.

Mateus 26:29

Om ta toc mami' tain comi memem pain xocori ca'. Tomi' iri'o' inuhu', om ta toc mami' tain pain xocori ca'. Om om, maqui' pa' ac capa' tara iri' xec nein ca toc pe tain ta' pain i cain quem, pain ca taramaxicon pe ca Te cwain, toc wi ac xuhu' tara pain xocori comi memem ta ac caparut na quem.

Marcos 14:23

An ac cain na ca mam' toc wa ca ji'ao pe xine comi memem ma' quem. Tomi' querec te urut pum pain ca mi' maparut pain comi memem ca' quem Te iri na ne, an mi' ac tococwa pain na. Toc toc pi' pin ac caca na.

Marcos 14:25

Om ta toc mami' tain comi memem ta ac tococwa na. Tomi' iri'o' inuhu', om ta toc mami' tain comi memem. Om om, maqui' pa' ac capa' tara iri' xec nein ca toc pe tain ta' pain i cain, pain ca taramaxicon pe ca Te cwain, toc ac tain xocori tara pain i cain ta na ca tomi' tococwa ma'.

Marcos 15:23

Wara joc wanan nanain comi uva pain waraqui mirra. Ma' ta. Toc rain ta paxi' nonon. Ane om toc cain ne.

Marcos 9:1

Tomi' ac tococwa na: Wahu' pain ca to ho' mahu' ca', ma' tatara co querec pin' xun nonon Iri' Jam pain ca taramaxicon pe ho' xim cuhu' ta. Om ta cono' querec caca, wara querec tatarain ca taramaxicon hwara' opa nucun, ame hwe e'. Tomi' iri'o' inuhu' ta na ca tomi' tococwa ma'.

Lucas 21:31

Ac i ma' tara pain ca in qui' ta' ne quem. Querec iri jein ca hwet pin ne oro ca tomi' hwet xuhu' ca' ne, taxi' ac hwein tara ca wixicam pin ne xec pain ca taramaxicon pe ho' ton cocon oro wari' Iri' Jam.

Lucas 22:16

Xi cao' mami' tain ta' pain xocori ca', tomi' iri'o' inuhu'. Cao' mami' e' tain pain pawin cain, pain ca taramaxicon pe ho' pin toton cocon oro wari' Iri' Jam cwain, pain ca aram aram hwet pin ta' ne iri' ca tomi' mao nein ca wara tomi' pe nucun pane, pain ca to' witan pin toton cocon oro wari' co howa nanapa' ta ca pane, je i ma' tara ca win cao' mami' tain ta' pain pawin cain na ca tomi' tococwa ma'.

Lucas 9:27

Wahu' pain ca to ho' mahu' ca', ma' tatara co querec pin' xun nonon Iri' Jam pain ca taramaxicon pe ho' xim cuhu' ta. Om ta cono' querec caca, wara querec tatarain ca taramaxicon hwara' opa nucun, ame hwe e'. Tomi' iri'o' inuhu' ta na ca tomi' tococwa ma'.

Colossenses 1:13

Xi wirico ara ca co to' witan ca' napari' con Caxicon Jam ma', co taramaxicon pe nain ca jitacat nein xim ma'. To' witan ca' napari' con, an to pin ac capari' na pain ca taramaxicon pe ca Panxica co om noc ca ma'.