Lucas 22:12 - Tradução Bíblica Pacaas Novos

¹² Main i ca', piri' mama' xi' ta ac cuhu' tara. Querec jein ta ac cuhu' tara pain cote ne manain xiricon ma', ca wara awori to ne oro coximinain ma'. Wara ara an to xo' jein pain i cain ta ac tococwa na.

Lucas 22:12 Iomraidhean Croise

Lucas 22:11

Tomi' ac hun tara waximain xirim ma': Tomi' nem Taramaxicon nuxut co ca' na taxipa' capijacon Iri' Jam ta: Main man ca cao' querec te to xin urut pain carawa nein Páscoa quem nem. Cao' querec te ta' cocon co taxipa' ta' cwa' nem ta ac hun tara.

Lucas 22:13

Ma ac caca na, mama' ac cacain na cidade. Mam' ac cocon na wari' co tomi' ca Jeju, mam' nanain manain xirim ca tomi' ca quem. Ara an to xo' ac cacain na carawa ca cao' querec te xi' caca pain Páscoa quem.

João 2:25

Om ca ma' xirapa' na con wari' co tomi' hwet non pain ca coromicat nucucun oro wari' quem, om na. Taxi' pan tata, taxi' ximao nain ca coromicat nucucun oro wari' ta.

João 21:17

Tomi' querec mami' ac con na quem. Je win 3 pin ne ca tomi' querec con ma': Simão, panxica João. Om ca noc mapa' na ca tomi' querec mami' con ma'. Tomi' xaxa' ac ca na Pedro. Para tama' tomi' querec capa' pain ca om ca noc mapa' capa' ca' ne? 3 pin na ca tomi' querec capa' ma' na ca coromicat nucun. Tomi' ac con na: Taxi' taxi' pi' pin main oro carawa ta Taramaxicon ne. Taxi' mapa' pain ca om noc xim ca' non. Je ca tomi' xim ca' ac con na Jeju. Querec wet roron oro wari' ne co an xiho' nanain ovelha ta non.

Atos 1:13

Tan' mama' iri nana ne, corom mama' ac cacain na xirim ca to pan caca ma'. Piri' mama' xi' e', wara ca' na manain xirim pain pawin ma', corom mama' ac caca na. Mo nana: Pedro, João, Tiago, André ma'. Filipe con Tomé ma'. Bartolomeu con Mateus ma'. Tiago panxica Alfeu ma'. Simão co jain jain tamana nonon oro win ma' ca pain ca witan ca' xun cocon oro romano ma'. Judas panxica Tiago ma' quem.

Atos 20:8

Cut in to xujuxut pain manain xirim ca pe pawin ma'. Mija na naran.