Lucas 21:8 - Tradução Bíblica Pacaas Novos

⁸ Om na, ma' tara xumuhu' me ac tococwa na. Ta howa huhun oro wari' co mixein xim nunuhu' pain oro carawa ca maqui' ta' ma' me. Xi mija xi' ara caca oro wari' co wata' ta nana pain ca an hwet cacain wuxu ca'. Tomi' ca' tatara oro xucucun quem: Wixicam pin na oro xec pain ca pi' pin ta' ne macan' ta tatara. Ta howa huhun me ta ac tococwa na.

Lucas 21:8 Iomraidhean Croise

Mateus 24:11

Mija tatara oro wari' co profeta urut ximama' nana quem. Pijim' mixein ac caca tara, mija tatara wari' co pijim' mixein caca.

Mateus 3:2

Ca' na ca pijim' nucun: Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na.

Mateus 4:17

In mao iri nain Galileia Jeju ne, pijim' pin ac ca na, je win pijim' pin ca pane. Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na ca pijim' nucun.

Lucas 17:23

Tomi' ca' tuturuhu' oro wari': Mon cwain, pe nain i cain, ac i ma' tuturuhu'. Tomi' ca' tuturuhu' oro xucucun ma' quem: Mon cwa', pe nain i ca', ac i ma' tuturuhu'. Ta howa huhun me, ta ja' tequi' hap huhun pain ca querec xi' e' huhun me.

Lucas 21:7

Taramaxicon co ca' na taxipa' capijacon Iri' Jam ac cocon na: Ma' xec ca hwet pin ta' ne oro ca tomi' ma ca' ne? Cain' xi querec pin' ac urut pain ca wixicam pin ne xec pain ca hwet pin ta' ne ca tomi' nem ma' quem na ca tomi' querec cocon ma'.

Lucas 21:9

Ta jin' hwe pain ca aram aram taraju huhun oro wari' pain ca to' parapa' caracan xucucun me, je pain ca mana' caracan xucucun ma' quem. Na e' na pain ca mana' ac i ma' cain' caca oro wari', je curucucun mao tara. Ane om pi' pin hap ta' ne macan' ne, ame hwe e'.

João 5:43

Hwet paxi' inuhu', xi om ne ca hwet roron ta ara capa' Te pahu'. Ane noc mahu' ne. Hwet iri nuhu' wari' pain ca param pan nucun ne, tomi' querec te ac hun na.

João 8:24

Je ca tomi' xuhu' ne, pain ca cono' pa' e' jein ca caracat nuhu' xuhu' ne. Iri'o' na ca tomi' xuhu' ca': Mo ta om howa mahu' pain ca tomi' hwet xije pahu' ca', cono' pa' e' ac hwein tara ca caracat nuhu' ta na ca tomi' tococwa ma'.

João 8:28

Je ca tomi' ca' tococwa ma': An piri' xat iri xine pain ca Iri' Wari' ta' ca' ne. An piri' xat iri xine pain pana ne, pain ca to' pa' pin xim mahu' ma', querec pin' ac mahu' tara pain ca tomi' iri'o' ta' ca', pain ca tomi' hwet xije pahu' ca'. Querec pin' ac mahu' tara pain ca om ara camain' tain ca param pan ne. Querec pin' ac mahu' tara pain ca tomi' hwet e' tain ca tomi' xo' capa' Te.

1 Coríntios 6:9

Cain' cain' xihwe quem? Om ca taxi' huhun oro caracat ma', pain ca om to' ho' xun cocon Iri' Jam pain ca taramaxicon pe nucun ra? Taxi' huhun ma' ira! Ma' tara xumuhu' me. Oro iri' caxicocon hwijima' co caracat nana pain ca quep ximama' caca ma', oro wari' co pe torotop mi' querec te nanain oro caji pacun ca Iri' Jam xi' ma caca ma', oro co quep nanam xequem narima' ma', oro narima' co quep ne nonon xucun tarama' ma', oro co quep caracan xucucun ma' quem,

Efésios 5:6

Ta tomi' mixein cuhu' wari' co tomi' ximao nuhu' ma' me, pain ca hohot na pain ca ara hwein i ma' ta cuhu' ma'. Oro wari' co om tomi' ha' nonon Iri' Jam ma', co ara ximama' nanain oro ca om awi wa ma', wap totoron Iri' Jam ta.

2 Tessalonicenses 2:3

Om ca na camain' ne pain ca howa hun wari' co tomi' mixein ac i ma' nuhu'. Xi iri'o' ne ca tomi' nucun ta. Om ta maqui' hap ne xec nein ca in qui' ta' nucun Jeju ta. Maqui' cain' tara oro xec pain ca ari tamana cocon Iri' Jam oro wari'. Mija pin iri tatara co an to pin nanain ca howa wa ne, ane ane maqui' ac ca tara xucun wari' co iri' waximain ca caracat wa. Iri' caxicon wari' tara. Main xin mi' pan toron pain cote ne xe Iri' Jam ta, ame hwe e'.

2 Timóteo 3:13

Oro wari' co caracat nana ma' iri na ne, oro wari' co mixein nana pain ca ac ca iri'o' xi' ca' tara me caca ma' iri na ne, caracat caracat mao ac ne ma' tara cocon, caracat mip pin ac caca tara quem. Mija tara ca mixein caca, mija tara ca mixein tococwa quem.

1João 4:1

Je ca tomi' xuhu' pain ca tomi' querec te xuhu' ca'. Ta howa ximama' huhun oro wari' co pijim' nunuhu' me ta. Taraju wet xo' jujun, tomi' querec jujun pain ca pijim' nucucun. Am maqui' con Iri' Jam ca coromicat nucucun ma', am maqui' pan nein ximicocon ca coromicat nucucun ma', tara cocon ta. Je ta coromicat xo' qui' hwe cocon, xi om ne ca mija ara caca co tomi' hwet mixein nonon pain capijacon Iri' Jam oro wari' pain oro xijein macan' ma'.

2João 1:7

Mija ara xi' nana co mixein nana ma', co hwet nonon oro co om howa nana ma', pijim' mixein pijim' mixein ac cocon na quem. Om ca an tan pan capari' pain ca wari' nexi' Jeju Cristo ta nana pain ca pijim' mixein nucucun. Wari' co pijim' ac i ma' ma', wirico co mixein taxipa' ma', co ari mip non Cristo pain ca noc tamana con ma'.

Apocalipse 1:3

Iri' Jam ma', param mi' non pain ca awi wa wari' co noro nain ca xirao' ne ca', param mi' nonon pain ca awi wa oro wari' co taraju nanain pain ca noro xine ma', wiricoco co tomi' ha' nanain quem. Xi om ne ca wixicam pin ara ne oro xec nein ca maqui' ta' ne oro ca xirao' ne ta.

Apocalipse 12:9

Xin hwet pin ac tocwa na co ma' co ac cote ne caji hop ma'. Wirico co ma' co caxicon em' cara pane, co mixein nonon hwanana pain cara pane. Wirico co Caxicon Jam ma', co Satanás na xijein wixicon ma', wirico co mixein taxipa' nonon oro wari' pain macan' ca'. Xin pan' hwet pin ac tocwa na pain macan'. Wixicaracao' camara' hwet pin ac tococwa na pain macan' oro caxicon jam co taramaja mi' nonon ma' quem.