Lucas 21:7 - Tradução Bíblica Pacaas Novos

⁷ Taramaxicon co ca' na taxipa' capijacon Iri' Jam ac cocon na: Ma' xec ca hwet pin ta' ne oro ca tomi' ma ca' ne? Cain' xi querec pin' ac urut pain ca wixicam pin ne xec pain ca hwet pin ta' ne ca tomi' nem ma' quem na ca tomi' querec cocon ma'.

Lucas 21:7 Iomraidhean Croise

Mateus 24:3

Mama' ac urut na pain Pacun Nein Oliveira ma'. Xao pe ac ca na Jeju. Xuruxut hwet ac urut con na. Xica' to urut, wirico Jeju, warut pain ca taxipa' urut con ca' quem. Tomi' querec ac urut con na: Ma' xec ca hwet pin ta' ne oro ca tomi' ma ca' ne? Cain' xi querec pin' ac urut pain ca wixicam pin ne xec nein ca in qui' ta' nem je pain ca pi' pin ta' ne macan' ca' quem na ca tomi' querec urut con ma'.

Marcos 13:14

Main xat pe tarain cote ne xiricon Iri' Jam caji pacun ca Iri' Jam xi' ma ca ta ac tococwa na. Om xi pe nein i cain ta. To' em' pin tarain cote ne xiricon Iri' Jam. (Wahu' pain ca noro hwein ca xirao' ne ca', taraju pa' je ta.) Querec iri jein ne, jein ca' ac hwein tara. Wahu' pain ca to hwein oro cidade pain Judeia ma', jein mama' ac hwein tara oro pacun.

Lucas 21:32

Om ta cono' cono' pi' pin querec caca oro wari' co e' e' wet nana pain xocori ca', hwet pa' ac cocon tara oro ca tomi' hwet xuhu' ca'. Tomi' iri'o' inuhu' ta.

Lucas 21:6

Oro ca querec hwe ca', ame hwe e', main maqui' tara oro xec pain ca to' pa horohot pi' pin xin xine oro xirim ca'. Om ta to wet xica' pe camain' ne oro pacun nein. To' pa horohot pi' pin ac xine tara ta na ca tomi' tococwa ma'.

Lucas 21:8

Om na, ma' tara xumuhu' me ac tococwa na. Ta howa huhun oro wari' co mixein xim nunuhu' pain oro carawa ca maqui' ta' ma' me. Xi mija xi' ara caca oro wari' co wata' ta nana pain ca an hwet cacain wuxu ca'. Tomi' ca' tatara oro xucucun quem: Wixicam pin na oro xec pain ca pi' pin ta' ne macan' ta tatara. Ta howa huhun me ta ac tococwa na.