Lucas 21:4 - Tradução Bíblica Pacaas Novos

⁴ Oro xucucun wari' ma', mi' hwara' paxi' nanain dinheiro nucucun, ane pe ho' cara cocon oro wirain ne. Narima' co mi' ca' nam taxicam ma' iri na ne, om paxi' nam carawa, ane mi' mi' pi' pin camain wijimain dinheiro ca pe ho' nam ne. Om pin nam dinheiro ca mam' cut cama carawa ca cao' cama na ca tomi' tococwa ma'.

Lucas 21:4 Iomraidhean Croise

Marcos 12:44

Oro xucucun wari' ma', mi' hwara' paxi' nanain dinheiro nucucun. Ane pe ho' cara cocon oro wirain ne. Narima' co mi' ca' nam taxicam ma' iri na ne, om paxi' nam carawa. Ane mi' mi' pi' pin camain wijimain dinheiro ca pe ho' nam ne. Om pin nam dinheiro ca mam' cut cama carawa ca cao' cama na ca tomi' tococwa ma'.

Lucas 15:12

Tomi' pan ac ca na panxica co xo' hwara'. Tomi' xim inem ta te non. Cut mi' ne pain caramajum ca wara tomi' an to mi' mapa' pane, wara cut mi' ne pain, pain ca om mi' pin querec ma ca' na ca tomi' con ma'. Na ra ac ca na, cut mi' ac tococwa pain caramaxicon na mana panxica.

Lucas 21:3

Tomi' ac ca na Jeju: Noro jem narima' ma', co mi' ca' nam taxicam ma'. Wijimain paxi' na dinheiro ca cut ho' cama ma', ane querec hwara' con Iri' Jam ne. Ac ca hwara' tiquin' ca' nein na oro cote ne dinheiro ca cut ho' caca oro xucucun wari' ma'. Tomi' iri'o' inuhu' ta.

Lucas 8:43

Pe nain i ma' narima' co ao tamana ma' quem. Ma' 12 na cawaxi' pain ca ao tamana cama. Pi' ca' paxi' nam dinheiro pain ca pagar cocon oro doutor ma', ane om aramao xio taxi' cacam ne.

Atos 4:34

Om ca ma' xica' pe camain' ca win ma' caca co ximin ma', co om non carawa ma'. Xi ma' ara caca oro win howa caca co ma' nonon xirim je macan' ta. Vender ho' vender ho' ac cacain na, cut cut ac cacain na dinheiro nein ma',

2 Coríntios 8:12

Je ca tomi' xuhu' ca'. Mo ta mi' hwara' xin dinheiro pain ca ma' mija capari' ca', mo ta mi' wijimain xin pain ca ma' wijimain capari' ca', je je ari na con Iri' Jam. Mo ta mi' querec te xin, mo ta om mi' xiram pa' xin, hohot ac con na Iri' Jam. Xi mi' hwara' jein capari' pain ca ma' wijimain e' capari' ta.