Lucas 21:37 - Tradução Bíblica Pacaas Novos

³⁷ Jeju ma', pijim' pe taxipa' nain ca tao' caho' nein cote ne xiricon Iri' Jam pain oro xijein xec pane. Je ca ca' na to taxipa' tococwa pain capijacon Iri' Jam oro wari' pane. Irawin pin iri na ne, maji ta ac tococwa na co taxipa' ca ma', mama' ac cacain na pacun ma', Pacun Nein Oliveira ma'. Je ca pi'am to taxipa' caca ma'.

Lucas 21:37 Iomraidhean Croise

Mateus 21:1

Wixicam pin iri urut pain Jerusalém ne, hwet ac urut pain na Betfagé ma', ca pe ja' pan nain Pacun Nein Oliveira ma'. Tomi' ac tococwa na win ma' nuxut pain ca taxipa' urut con ca'. Ma' 2 nana co tomi' ca.

Mateus 21:17

Hwerehwet ca' ac urut cocon na, paca' ac urut pain na Jerusalém. Mama' ac urut pain na Betânia. Je i cain ca pi'am to urut ma'.

Mateus 26:30

Com iri urut pain tamara' pain ca in ac urut con Iri' Jam ne, hwerehwet mama' ac urut na, mama' ac urut pain na Pacun Nein Oliveira ma'.

Mateus 26:55

Cain' cain' xihwe quem ac tococwa na oro wari' co quep xun nonon ma'. Para cut hwein cote ne quit je pana mam' wap wa pain ca quep xim mahu' ma' quem? Ac ca an noc xa taxipa' ta' carawa na pahu' ra na ca tomi' tococwa ma'. Wara pe ho' paxi' inuhu' pain oro xijein xec pane, pain ca ca' na pe tain cote ne xiricon Iri' Jam capijacon pane. Je xi quep qui' mahu' pain i cain pane?

Marcos 11:12

Xec pin iri na ne, maji ta ac caca na, paca' ac cacain na Betânia. Xuruxut xuruxut, pe' ac ca na Jeju.

Marcos 11:19

Irawin pin iri na ne, paca' ac cain na Jerusalém Jeju cocon co taxipa' ca ma'.

Marcos 14:49

Wara pe ho' paxi' inuhu' pain oro xijein xec pane, pain ca ca' na pe tain cote ne xiricon Iri' Jam capijacon pane. Je xi quep qui' mahu' pain i cain pane? Je i ma' pahu' ta ac tococwa na. Na e' na pain ca hwerehwet pin ne oro ca xirao' to caca oro profeta pain capijacon Iri' Jam pane ta na ca tomi' tococwa ma'.

Lucas 19:29

Wixicam pin iri nanain ca paric to ne xirim pain Betfagé ma' ne, je pain Betânia ma', ca to ja' pan nain pacun ma', ca Pacun Nein Oliveira caca oro wari' ma', tomi' ac tococwa na co taxipa' ca ma'. Ma' 2 nana co tomi' ca ma'.

Lucas 19:37

Wixicam pin iri nain wana ca quiji' mao nain Pacun Nein Oliveira ma' ne, tomi' querec te tomi' querec te pi' pin ac caca na oro wari' co taxipa' nonon Jeju ma'. Mija nana, om ca paric camain' caca. Merem ac caca na: Awi tamana na Iri' Jam ta nana. Xi mija ara ne oro ca ara ca Jeju ma', ca querec caca ma', pain ca ara cain oro ca om ara taxi' ne ca wari' wa ma'.

Lucas 19:47

Jeju ma', pijim' pe nain ca tao' caho' nein cote ne xiricon Iri' Jam pain oro xijein xec. Je ca ca' na to tococwa pain capijacon Iri' Jam oro wari'. Oro taramaxicon ma' iri nana ne, to' pa' pin xun nonon. Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' quem, cocon oro xucucun taramaxicon nucucun oro judeu ma' quem, to' pa' pin xun paxi' nonon Jeju.

Lucas 22:39

Paca' ac cain na Jerusalém Jeju, mao ac cain na Pacun Nein Oliveira. Je curucun pane. Ja' ja' nonon co taxipa' ca quem.

João 12:1

Wixicam pin ac ne na xec nein Páscoa. Om ca pira homa ne, ma' 6 e' na xec nein ca hwet nein ma'. Maji ta ac caparut na Jeju ma', mama' ac urut pain na Betânia. Pe nain Betânia Lázaro ma', co to' e' mami' ca pane.

João 18:2

Judas ma', co quep xiho' ton nonon oro taramaxicon pain ca quep xun cocon ma', wara querec pin' nain totain oliva ca to urut ma'. Xi om ne ca wara cut in to taxipa' ara xujuxut pain i ma' con Jeju pane.

Atos 1:12

Quiji' ca' ac cacain na Pacun Nein Oliveira ma'. In mama' xin Jerusalém ta ac caca na, xuruxut mama' ac caca na. Om ca pira ne Jerusalém ma'. Ac ca xica' pe ne na quilômetro nein.