Lucas 21:36 - Tradução Bíblica Pacaas Novos

³⁶ Je ca tomi' xuhu' ca' ac tococwa na. Ma' tara xumuhu' me. Tama' tomi' jun Iri' Jam quem. Ma' ta na cuhu' pain ca witan ca' hwein oro ca om awi ca maqui' ta' ma' quem. Ma' ta om wixipa' hwe pain ca aram aram coco' quima hwet xim mahu' pain ca Iri' Wari' ta' ca' quem na ca tomi' tococwa ma'.

Lucas 21:36 Iomraidhean Croise

Mateus 24:42

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta.

Mateus 24:43

Mam' pe wet jein carawa ca ara non waximain xirim co wara cut noc xa ca' wa pain caramaxicon ma'. Mo xi taxi' tocwa caxicon wari' co cut noc xa ma', mo xi taxi' cain iri' hora nein xim pain ca maqui' ta' nucun quem, querec wet ac cain xira xiricon. Nain ho' ac cain xira pain ca joc pa hot xine quem.

Mateus 24:44

Je ca tomi' xuhu' ca' ac caparut na. Na e' na pain ca awori xo' hwe pain ca winim' xim mahu' ma'. Xi in qui' ho' ta' ara ta' ta. Wata' pain ca Iri' Wari' ta' ca', in qui' ho' ta'. Om ca taxi' hwein hora nein ca in qui' ta' ne quem na ca tomi' caparut ma'.

Mateus 25:13

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta. Om ca taxi' camain' hwein hora nein ca in qui' ne quem na ca tomi' caparut.

Mateus 26:41

Ta pi'am hwe me ta ac tococwa na. Momon tomi' jun Iri' Jam, ma' ta om ja' camara' xihwe pain ca tomi' querec cuhu' Caxicon Jam ta. Tomi' ha' xi' paxi' hwe pain xumuhu' ma', ane om hwara' opa hwe pain curuhu' ma' ne na ca tomi' tococwa ma'.

Mateus 8:20

Tomi' ac con na Jeju: Noro rain oro carawa pain mi ma'. Ma' ma' xam' nain ca pi'am to nein. Noro rain oro me ma' quem. Ma' ma' xam' nain xirinain quem. Wata' iri na ne, pain ca Iri' Wari' ta' ca', om napa' xirim ca pe xo' ta' ca' na ca tomi' con ma'.

Marcos 13:33

Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta.

Marcos 13:37

Ca tomi' xuhu' ca', je ca tomi' tomi' pi' pin toton oro wari' co howa nanapa' ma'. Ma' tara xumuhu' me, winim' xo' xine ta na ca tomi' tococwa co taxipa' ca ma'.

Lucas 1:19

Om na ta Zacarias ac ca na. Gabriel ina. Wata' co xat pe ho' taxipa' non Iri' Jam pain ca taramaja mi' ton ca'. Hwet ron napa' Iri' Jam pum. Tomi' hwet ron pain carawa ca awi ca ara mi' ton ta' ca' napa' pum pain ca pan' qui' ta' ca panxima.

Lucas 18:1

Pijim' ac tococwa na co taxipa' ca ma'. Pijim' joc mam' mi' tata cam narima' co tomi' ho' tomi' ho' non juiz pain carawa ca param cama ma'. Pijim' joc mam' mi' tata cam, ma' ta taraju pa' hwe pain ca na e' ne pain ca tomi' ho' tomi' ho' hun Iri' Jam ta tata. Ta naro camain' hwe pain ca tomi' ho' tomi' ho' hun me tata.

Lucas 20:35

Ane om ac i ma' ne pain ca aram aram e' mami' xi' caca co wara cono' nana ne. Oro wari' co querec hohot ca Iri' Jam ma', pain ca hohot na pain ca to ho' mahu' pain pawin ca' ca ma', om ta cut caca narima'. Ca narima' nequequem ma', om ta cut cacama tarama' quem.

Lucas 21:35

Win ne ca maqui' pa' cain wijimain me wajo ma', ac i ma' tara ca maqui' pa' toton oro wari' pain oro xijein macan'. Om ta jein ca' ac cacapa' ta. Xi hwet pa' hwet pa' pi' pin ton ara toton oro wari' pain oro xijein macan' ta.

Atos 10:2

Om paxi' na ca judeu ca Cornélio ma', ane xut xo' ca con Iri' Jam ne. Wirico, oro ca nari nucun cocon oro wari' co to ho' nonon pain xiricon ma' quem, xuruxut xo' nana pain ca win xumu taxipa' cacain ca param nucun Iri' Jam. Tomi' ha' nonon quem. Cornélio ma', xiram pa' tamana nonon oro wari' co om nonon carawa ma'. Tomi' taxipa' non Iri' Jam quem.

1 Coríntios 16:13

Ma' tara xumuhu' me, hwara' opa cara je pain ca howa hun Jeju Cristo. Ac ximicon hwanana je. Hwara' opa cara je con Iri' Jam.

2 Coríntios 4:14

Xi taxi' ara urut con Iri' Jam pain ca to' e' mami' con Taramaxicon nexi' Jeju pane. To' e' mami' taraparut quem, xi om ne ca win cwere ara urut con Jeju ta. Cut mama' ac caparut tara. Warut, wahu' tara quem, cut mama' ac capari' tara, to ho' xine pain ca pe pan ta' ca' ac capari' tara quem.

Colossenses 4:2

Ta an pe camain' hwein ca tomi' hun Iri' Jam me. Ta coromicat ni ca' hun pain ca tomi' hun me. Tomi' querec te jun pain ca tomi' hun quem.

1 Tessalonicenses 5:17

Tama' tomi' jun Iri' Jam quem. Ta an pe camain' hwein me.

2 Timóteo 4:5

Ac i ma' tatara co noc nanain capijacon Iri' Jam. Wum iri na ne, ma' tara xumum ta Timóteo. Tama' coromicat xo' ra pain oro carawa ca ara nem. Quereme rain oro ca to' i'ina nem ma'. Pijim' mi' roron pain capijacon Iri' Jam oro wari', pijim' mi' roron pain capijacon Iri' Jam ca tomi' hwet napari' con Cristo Jeju co to' witan xim napari'. Ara ara pi' pin rain oro ca ara ra quem Iri' Jam pain ca taramaja mi' mon ma' quem.

1Pedro 4:7

Wixicam pin na xec nein ca pi' pin ta' ne macan' je oro carawa jimao quem. Je ta coromicat xo' qui' hwe ta. Ma' tara xumuhu' quem. Ma' ta ha' cuhu' pain ca tomi' hun Iri' Jam ta.

1Pedro 5:8

Ma' tara xumuhu' con Caxicon Jam ma', co noc nuhu' ma'. Pirao' nuhu', an xiho' non copacao' co xararac ma', co tama' xut in xut in pain ca pirao' cain carawa ca cao' wa ma'. Ac i ma' nuhu' Caxicon Jam quem. Quep xim nuhu'.

1João 2:28

Je ca tomi' xuhu' ca', pain ca ac ca mana panxita' xuhu' ne ca'. Win cwere jun Cristo. Ma' ta quereme iri' pain ca aram aram in qui' ta' nucun. Ma' ta om jin' iri', ma' ta om wixipa' iri' pain ca to quima hwet xun quem.

Judas 1:24

Xica' pe na Iri' Jam co Iri' Jam ma', co mam' to' witan napari' con Taramaxicon nexi' Jeju Cristo. Hwara' opa na. Ha' non pain ca narain ho' cuhu' pain ca camara' wa pain ca caracat wa ta. Ha' non pain ca to' om pin cain oro ca to' em' nuhu' ma', je pain ca ja' tomi' querec te tamana cuhu' pain ca aram aram coco' quima hwet xine pain ca awi tamana ne ta cuhu' ma'. Na e' na pain ca tomi' querec te xun pain ca awi tamana nucun ma', je pain ca iri' Taramaxicon nucun ma', je pain ca hwara' opa tamana nucun ma', je pain ca taramaxicon hwara' opa tamana pan ca quem. Wara ac i ma' na pain cara pane, pain ca om quep querec cain oro carawa pane, ac i ma' ac i ma' wet na pain xocori ca', ac i ma' ac i ma' cara tara ta. Amém, iri'o' na ca tomi' ne ta. Je i ca' ca xirao' ne ca'.

Apocalipse 11:4

Caram ma' co pijim' hwet nanain capijacon Iri' Jam ma', tomi' joc mam' mi' nanain panaji oliva ca ma' 2 ma', je oro ca mam' tom pe ne naran ca ma' 2 ma' quem. To quima hwet nonon iri' Taramaxicon co taramaxicon pe ho' nonon oro wari' pain oro xijein macan'.

Apocalipse 6:17

Xi maqui' pin ara xi' ne xec nein ca wap xim cacapari'. Om na wari' co witan ca' nain ca wap wa ta na ca merem nucucun.

Apocalipse 7:9

Xirao' pin iri tata pain jitaracocon oro waram winacon Israel ne, noro ac ta' na, querec ac toton na oro wari' pain ca cut in tamana nucucun. Mija nana wari' ta, om ca tomi' ac tococwa, xi paric caca ta. Maqui' nanain oro xijein macan'. Xucun wari' xucun wari' pi' pin nana, to ni ca' nonon oro xucucun wari' pain macaracocon, capija ni ca' xucucun quem. Coco' quima hwet nanain ca mam' xao pe pe ca Iri' Jam co Iri' Taramaxicon ma', coco' quima hwet nonon co ma' co ac Wijimain Taramaji Ovelha ma' quem. To nonon wom co towo', cut nanain tahot pain micocon quem.

Apocalipse 8:2

Querec ac toton na oro jam co taramaja mi' nonon Iri' Jam ma', pain ca coco' quima hwet cocon ma'. Ma' 7 nana. Mi' mi' xam' ac tococwa na pain caji taracom.