Lucas 21:19 - Tradução Bíblica Pacaas Novos

¹⁹ Mo ta howa cara mahu', to' witan ac xihwe tara ta na ca tomi' tococwa ma'.

Lucas 21:19 Iomraidhean Croise

Mateus 10:22

Noc noc pi' pin tuturuhu' oro wari', xi om ne ca howa ara mahu' ta. Ane tomi' xuhu' pain i ca' ne: Wari' co howa cara napa' ma', pain ca howa howa pi' pin pa' con oro ca quep em' wa ma', wirico tara co to' witan wa ta.

Mateus 24:13

Wari' co howa cara napa' ma' iri na ne, pain ca howa howa pi' pin pa' cain oro ca quep em' wa ma', wirico tara co to' witan wa ta.

Lucas 8:15

Carawa ca ara nain tocwi trigo ca camara' to nain macan' ca awi ma' iri na ne, tomi' joc mam' mi' nain carawa ca ara nonon oro wari' co taraju nanain capijacon Iri' Jam ma', co an to xo' nanain pain ximicocon ma' quem. Ac ca mi xo' caca na pain ca howa nucucun. Win ne tocwi trigo ca mi xo' ma'. Xumu xo' nana, tomi' ha' nana quem. Querec pin' ac tococwa na pain ca howa cara nucucun ma' quem na ca tomi' xo' tococwa pain ca pijim' joc mam' mi' tococwa con wari' co wixicaracao' nain tocwi trigo pain totacon pane.

Romanos 15:4

Je ca xirao' pe xine oro capijacon Iri' Jam pain cara pane, ma' ta ca' na xuhu' ta napari'. Je capijacon ca mi' napari' pain ca hwara' opa cara wa pain ca to' i'ina capari' oro carawa. To' quereme napari', ma' ta winim' cara mahu' pain ca mi' xim xuhu' pain carawa ca awi ta napari'.

Romanos 2:7

Oro wari' co tama' ara nanain oro ca awi wa pain ca win xumu cacain ca tomi' querec te nucun Iri' Jam ma', coromicat ca' ac caca na: Tomi' querec te tarapari' Iri' Jam ta. Hohot hwe tarapari', to' e' cara xuhu' tarapari' ta nana. Wiricoco tatara co mi' wawa pain ca e' cara wa.

Romanos 5:3

Cain' cain' iri' quem? Winim' cara e' urun pain ca aram aram mi' xim capari' pain ca jao jao ma' xun pain ca awi nucun pain ca hwara' opa nucun ra? Om na ta. Tomi' querec te urun pain ca to' i'ina capari' oro carawa, je pain ca to' jain jain cacapari' oro wari' cwa' quem. To' i'ina iri napari' oro carawa ca' ne, to' jain jain iri nanapari' oro wari' ma' ne, hwara' opa cara ac iri' na quem, wara taxi' irin i ma' ta.

Romanos 5:4

Hwara' opa cara iri iri' ne, tomi' querec te ac capari' na Iri' Jam pain ca hwara' opa nexi'. Taxi' iri urun pain ca tomi' querec te capari' pain ca hwara' opa nexi' ne, winim' cara ac xun na.

Romanos 8:25

Ane winim' winim' wet xin oro ca om mi' querec capari' Iri' Jam ne. Winim' cara irin.

1 Tessalonicenses 1:3

Tama' mam' pe wet urut pahu' pain ca taramaja nuhu' ma'. Taramaja mi' hun Iri' Jam, xi om ne ca howa ara hun ta. Jain jain huhun oro win ma' nuhu' pain ca quep xiho' xun huhun ma', xi noc camain' huhun ta. Quereme hwein oro ca to' i'ina cucuhu' ma' quem, xi om ne ca winim' ara hun Taramaxicon nexi' Jeju Cristo pain ca in qui' ta' nucun ma' quem. Je ca mam' pe wet urut ca', pain ca tomi' mi' urut pahu' con Cotere' Iri' Jam.

2 Tessalonicenses 3:5

Tomi' mi' urut pahu' con, ma' ta mi' cuhu' pain ca querec pin' cara hun Iri' Jam pain ca om noc cuhu' ma', je pain ca querec pin' cara hun Cristo pain ca to' hwara' opa cuhu' pain xumuhu' ma' quem.

Hebreus 10:36

Na e' na pain ca quereme cara hwein oro carawa ca to' i'ina nuhu' ma'. Ara cara jein oro ca param nucun Iri' Jam ma', ma' ta aram aram mi' xim cuhu' pain oro ca tomi' pe mi' cuhu' ma'.

Hebreus 6:11

Param param xam' inuhu' pain ca quep xiho' quep xiho' tiquin' huhun quem. Jain jain jujun pain. Quep xiho' quep xiho' maqui' pa' ac cuhu' tara Jeju. Ma' ta om i'ina ne xumuhu' pain ca winim' xin hwein oro ca param mi' cuhu' Iri' Jam ta urut pahu'.

Hebreus 6:15

Winim' cara ac con na Abraão. Om ca toron ne ximicon. Winim' winim', aram aram ara mi' ac tocwa na pain ca wara tomi' pe mi' tocwa pane.

Tiago 1:3

Xi om ne ca taxi' ara hwein i ca' ta: Mo ta howa cara hun Iri' Jam pain ca to' i'ina cuhu', hwara' opa hwara' opa tiquin' ac ne tara ca howa nuhu'.

Tiago 1:4

Na e' na pain ca hwara' opa hwara' opa tiquin' hwe pain ca howa hun Iri' Jam ta. Ma' ta ximicon hwanana hwe pain ca howa nuhu' ma', ma' ta hohot pin hun Iri' Jam pain oro ca ara hwe ma' quem. Hohot cara ac hun tara pain ca xuruxut xo' nuhu' ta.

2 Pedro 1:6

Querec pin' iri jun Iri' Jam ne, miri'om ac hwein tara ca param pan nuhu'. Miri'om iri jein ca param pan nuhu' ne, quereme cara ac hwein tara oro ca to' i'ina nuhu'. Quereme cara iri jein oro ca to' i'ina nuhu' ne, xuruxut xo' ac hwe tara pain ca win xumu hwein ca param pan nucun Iri' Jam.

Apocalipse 1:9

João ina pain ca xirao' mi' xuhu' ca'. Xere xijexi' pain ca howa xun Jeju. Win ma' ne xijexi' pain ca jain jain wi iri' cocon oro wari' co quep em' nanapari', xi om ne ca taramaxicon ne ara xun Iri' Jam ta. Win ma' ne xijexi' pain ca quereme cara xin oro ca to' i'ina napari' pain ca howa xun Jeju quem. Pe inain xixi pan nein macan' Patmos. An mao nanapa' pain i cain pane, xi om ne ca pijim' ara tain capijacon Iri' Jam pane, xi om ne ca tomi' hwet ara toton con Jeju oro wari' pane quem.

Apocalipse 13:10

Wari' co wara coromicat an pe mi' ca Iri' Jam pain ca quep xun tocwa ma', quep ac tocwa tara. Wari' co wara coromicat an pe mi' ca Iri' Jam pain ca to' pa' pin xun tocwa pain cote ne quit ma', to' pa' pin ac tocwa tara pain cote ne quit. Je ca tomi' xuhu' pain ca wari' nucun Iri' Jam hwe ma': Quereme cara jein oro ca to' i'ina nuhu' ma'. Win xumu jun Iri' Jam, howa cara jun ta.

Apocalipse 14:12

Je ca tomi' xuhu' ca': Wahu' pain ca wari' nucun Iri' Jam hwe ma', pain ca tomi' ha' hwein oro ca tomi' ha' je cuhu' ma', je pain ca win xumu cara hun pain ca howa cara hun Jeju ma', quereme cara jein oro ca to' i'ina nuhu' ta.

Apocalipse 3:10

Wara hu inuhu' pane, quereme cara jein oro ca to' i'ina nuhu' me inuhu' pane. Tomi' ha' mahu' quem. Je ca narain ho' xim xuhu' pain ca jain jain wa pain oro xec pain ca to' jain jain toton ta' oro wari' co to nanain macan' ma'.