Lucas 21:16 - Tradução Bíblica Pacaas Novos

¹⁶ Ma' tatara wari' co quep xiho' toton nonon oro taramaxicon pain ca quep xun cucuhu' ma'. Mana cote hwe cocon xuruhu' cocon oro ca nari nuhu' cocon oro win ma' nuhu' tatara quem, cut mi' tuturuhu' cocon oro taramaxicon. Ma' tatara oro win ma' nuhu' co to' parapa' xi' wawa quem.

Lucas 21:16 Iomraidhean Croise

Mateus 10:21

Ma' tara wari' co tomi' mi' ton non cocon oro taramaxicon cwaji' ca ma'. Mon cwa' aji' cwa', to' pa' pin jun ta totoron. Ac i ma' tara co wanxi' ma' quem. Mon cwa' panxita' cwa', to' pa' pin jun panxita' cwa' totoron. Ac i ma' tatara mana panxica wari' ma' quem, noc pin totoron cote caca cacam jicocon ma', to' parapa' pin ac tacacama tara quem.

Marcos 13:12

Ma' tara wari' co tomi' mi' ton non cocon oro taramaxicon cwaji' ca ma'. Mon cwa' aji' cwa', to' pa' pin jun ta totoron. Ac i ma' tara co wanxi' ma' quem. Mon cwa' panxita' cwa', to' pa' pin jun panxita' cwa' totoron. Ac i ma' tatara mana panxica wari' ma' quem, noc pin totoron cote caca cacam jicocon ma', to' parapa' pin ac tacacama tara quem.

Lucas 12:53

Wari' co wanxi' ma', mana' ac con tara panxica pata', mao ac ne ma' tara pain ca mana' caracan xucucun pata'. Ac i ma' tara narima' co wijima ma' quem, mana' taram cainacam, mao ac ne ma' tara pain ca mana' caracan xequequem pata'. Ac i ma' tara jicon wari' ma' quem, mana' ac cam tara manacon cawinacam pata'. Mao ac ne ma' tara pain ca mana' xequequem pata' na ca tomi' tococwa ma'.

Lucas 21:15

Xi wata' pan ara ne co tomi' xim nuhu' pain ca tomi' xo' wa pain ca tomi' querec xim cucuhu' co noc nunuhu' ta. Om ta tomi' in pin ac cucuhu'. Hehe e' tatara pahu'.

Lucas 21:17

Noc noc pi' pin tuturuhu', xi om ne ca howa ara mahu' ta.

Atos 12:2

Ton tapit pin jein winacon Tiago ma' quem ac tococwa na. Aji' non Tiago João ma'. Apóstolo nucun Jeju nana pane.

Atos 7:59

Ca to' to' cocon pain pacun Estêvão ma', ca tomi' pan ac con na Jeju: Taramaxicon ne Jeju. An mao rain tamatara ca' na pain ca tomi' con ma'.

Apocalipse 12:11

Oro xerexi' ma', wiricoco co to' quiji' pin nonon. Mam' to' quiji' pin nonon pain ca hwara' opa nein quicon co ma' co ac Wijimain Taramaji Ovelha ma'. Mam' to' quiji' pin nonon pain capijacon Iri' Jam ca pijim' caca con Jeju ma' quem. Mo ta to' parapa' xim cacapari' pain ca howa xun Iri' Jam cwa', je i ma' ira, to' parapa' ma' tatarapari' ne nana.

Apocalipse 2:13

Taxi' inuhu' pain ca to hwein i ma', pain ca taramaxicon pe ca Satanás ma'. Ane win xumu mahu' ne. Om ca an pe pin mahu', howa cara mahu'. To' pa' pin paxi' ta Antipas co win xumu napa' pain ca tomi' hwet capa' cocon oro wari' pane, to' pa' pe paxi' ta pain ca to pan nuhu' pain Pérgamo ma', ca pe pan ca Satanás ma'. Ane howa cara pan mahu' ne.

Apocalipse 6:9

Co ma' co ac Wijimain Taramaji Ovelha ma', pa pin ac cain na wirain ca hupa' caho' nein tapari carawa ca joc top ma', ma' 5 pin ac ne na ca pa nein. Pa pin iri nain ne, querec ac tain na tamataracocon co to' parapa' pin wawa pain ca howa cacain capijacon Iri' Jam, je pain ca tomi' hwet cocon con Jeju oro wari' ma'. To nanain xiquijinain maxinain ca tomi' querec te pe tocwa Iri' Jam.