Lucas 21:15 - Tradução Bíblica Pacaas Novos

¹⁵ Xi wata' pan ara ne co tomi' xim nuhu' pain ca tomi' xo' wa pain ca tomi' querec xim cucuhu' co noc nunuhu' ta. Om ta tomi' in pin ac cucuhu'. Hehe e' tatara pahu'.

Lucas 21:15 Iomraidhean Croise

Lucas 12:12

Xi ma' ara ne Tamataracon Iri' Jam ca quep xiho' xim nuhu' ta. Coco' quima hwet xun iri jujun pain ca tomi' querec xim cucuhu' ne, mi' ac cuhu' tara pain ca tomi' wa. Ca' tara ca tomi' huhun ta turuhu' ta na ca tomi' tococwa ma'.

Lucas 21:16

Ma' tatara wari' co quep xiho' toton nonon oro taramaxicon pain ca quep xun cucuhu' ma'. Mana cote hwe cocon xuruhu' cocon oro ca nari nuhu' cocon oro win ma' nuhu' tatara quem, cut mi' tuturuhu' cocon oro taramaxicon. Ma' tatara oro win ma' nuhu' co to' parapa' xi' wawa quem.

Lucas 24:45

Mi' ac tococwa na pain ca taraju pa' wa. Ma' ta taraju pa' hwein capijacon Iri' Jam ca xirao' pe xine pane tata.

Atos 2:4

Corom hwet corom hwet xam' ac cocon na Tamataracon Iri' Jam. Tomi' ac cacain na oro xijein ca capija wa ca om wara tomi' taxi' caca ma' quem. Je Tamataracon Iri Jam ca mi' nonon pain ca tomi' wa ma'.

Atos 24:25

Ca pijim' tacacama ma', ca pijim' tacacama ma', tomi' xo' ac tacacama na pain ca xut xo' wa pain ca ara xine oro ca param nucun Iri' Jam. Tomi' xo' tata pain ca om ara e' xine ca param pan nexi', tomi' xo' tata pain ca main tomi' querec xun tococwa oro wari' pain oro carawa ca ara caca pain ca e' e' wet nucucun quem. Pijim' ac i ma' iri nanam Paulo ma' ne, jin' pin ac ca na Félix ma'. Je i ma' ta, in mao cain' ra ta ac con na. Mo ta na capa', mo ta om to' i'ina capa' ca taramaja ne ca', hap ra jun ta mami' toton pum ta non.

Atos 26:28

He! Ha' tarapa' pain ca to' xin ne hap ton pain ca howa wa Jeju ma' mapa' ra? Ac i ma' na ca tomi' con ma'.

Atos 6:10

Ane quep xiho' con Estêvão Tamataracon Iri' Jam ne. Mi' hwara' non pain ca tomi' taxi' wa. Tomi' in pin xun paxi' nonon caram ma' co noc nonon ma'. Ane om ha' cocon ne. Hehe e' nana con.

Efésios 6:19

Wata' quem, tomi' mi' xine con quem. Ma' ta mi' capa' pain ca pijim' xo' wa pain ca aram aram pijim' ta' ta' ca'. Ma' ta pijim' quereme tain capijacon Iri' Jam ca an hwet mi' capari' con Jeju ma', pain ca to' witan toton capari' ca'.

Tiago 1:5

Mo ta ma' ca win ma' nuhu' co om taraju pa' xo' ma', pain ca om querec pin' cain ca param nucun Iri' Jam ma', tomi' pan toron ta. Mi' ne pain ca taraju pa' wa, mi' ne pain ca querec pin' tain ca param nem pain ca xut xo' wa ta toron. Mi' ac tocwa pain tara. Xi xiram pa' taxipa' ara capari' pain ca tomi' xun ca'. Om ca pan to' cain tarajixi' pain ca tomi' xun quem, ara mi' querec te napari' pain, je curucun mao na.