Lucas 21:10 - Tradução Bíblica Pacaas Novos

¹⁰ Tomi' ac tococwa na: To' parapa' caracan ac xucucun tara oro wari', oro taramaxicon nucucun ma' quem, mana' caracan ac xucucun tara.

Lucas 21:10 Iomraidhean Croise

Marcos 13:8

To' parapa' caracan ac xucucun tara oro wari', oro taramaxicon nucucun ma' quem, mana' caracan ac xucucun tara. Jain jain tamana tatara oro wari' pain oro xijein macan'. Cocoroc tamana tara macan'. Om pin tara oro carawa ca cao' wa. Oro ca jain jain nucucun oro wari' pain ca xo' hwet pa' cocon oro ca xirac wa ma', an xiho' tarain ca caxi nequem narima' pain ca xo' caxi cam cawinacam ma', ac i ma' tara cocon oro wari' quem. Ame hwe e', main jain jain tamana tatara ta.

Lucas 21:11

Jain jain tamana tatara oro wari' pain oro xijein macan'. Cocoroc tamana tara macan', om pin tara carawa ca cao' wa, mija tara ca caxi tamana wa quem. Hwerehwet qui' tara pain nanawin ca om awi camain' ca to' querec pin' ton nonon oro wari' pain ca maqui' ta' ne ca om awi camain' ne. To' jin' tamana totoron.

Lucas 21:9

Ta jin' hwe pain ca aram aram taraju huhun oro wari' pain ca to' parapa' caracan xucucun me, je pain ca mana' caracan xucucun ma' quem. Na e' na pain ca mana' ac i ma' cain' caca oro wari', je curucucun mao tara. Ane om pi' pin hap ta' ne macan' ne, ame hwe e'.

Atos 11:28

Tomi' hwet xuhu' pain ca xo' tomi' capa' Tamataracon Iri' Jam ta ac ca na xucun ma', Ágabo na wixicon. Pe' tamana tatara oro wari' co to nanain oro xijein macan' ta na. (Iri'o' na ca tomi' nucun Ágabo quem, xi pe' tamana ara caca oro wari' pain ca taramaxicon taramaxicon wet ca Cláudio cara pane ta.)

Hebreus 12:27

Pain ca tomi' pe cain i ma', pain ca to' cocoroc mami' tain macan' ca ma', taraju pa' irin i ca' quem: Main to' om pin tarain oro carawa ca tomi' ma' pin ca pane. To' cocoroc tarain, om pin ac ne tara. Ma' ta to wet cara e' ne oro carawa ca om cocoroc ac ne ma' ta na.