Lucas 20:6 - Tradução Bíblica Pacaas Novos

⁶ Mo ta mi' non pain wari' xun. Cain' cain' xixi' quem? To' to' cono' pi' pin tatarapari' pain pacun oro wari' cwa'. Xi om ne ca iri' profeta na João ta ara caca ta nana.

Lucas 20:6 Iomraidhean Croise

Mateus 11:9

Ma' co querec xi' hwe pane quem? Querec xun hun profeta ra? Iri'o' na, wirico profeta co querec hwe pane. Querec hun profeta co hwara' opa tamana. Hwara' opa tiquin' ca' nonon oro xucucun profeta. Tomi' iri'o' inuhu' ta.

Mateus 14:5

To' pa' pin ton paxi' na, ane jin' tococwa oro wari' ne. Mo ta to' pa' pin ton, mana' tatarapa' ta tata. Xi om ne ca profeta na ta ara cocon João pane.

Mateus 21:26

Mo ta mi' non pain wari' xun. Cain' cain' xixi' quem? Jin' ara xi' ururun oro wari' cwa'. Xi profeta na João profeta na João pi' pin ara caca ta nana pain ca tomi' xo' xucucun ma'.

Mateus 21:46

Je ca quep xun paxi' cocon ma'. Ane jin' cocon oro wari' ne, xi taxi' ara cocon oro wari' pain ca profeta na Jeju ta cocon ta.

Mateus 26:5

Om ta quep xun pain oro xec nein ca tomi' querec te nexi' ca'. Ma' ta om teretem caca oro wari' ta na pain ca tomi' xo' xucucun ma'.

Marcos 12:12

He, tomi' napari' ron ac caca na oro taramaxicon nuxut pain ca judeu urut ca', pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma'. Ane jin' cocon oro wari' ne. Je ca om quep cocon ma'. Mama' ac caca na.

Lucas 1:76

Je ca tomi' xim ca' arain ac con na panxica. Hwara' pin iri ra ne, iri' profeta nucun Iri' Jam co Iri' Taramaxicon pan ta ac ma tara. Xi wara o ta' ara ma con Taramaxicon nexi' ta. Tomi' xo' ac momon tara oro wari' con, ma' ta winim' xo' cocon. Ac ca wara ara xo' main wanaxicon tara pain ca tomi' xo' momon ta.

Lucas 20:5

Cain' xi tomi' xun quem ac xucucun na. Mo ta mi' non pain Iri' Jam xun, tomi' querec mami' ac capari' tara, para om howa hun quem tarapari'.

Lucas 20:7

Je ca tomi' cocon Jeju: Om ca taxi' urut pain wixicon co mi' non pain ca ja' cocon pain com oro wari' pane ta nana.

Lucas 7:30

Oro fariseu cocon oro co ca' na taxipa' nanain ca xirao' nucun Moisés ma' iri nana ne, om ca ja' tococwa pain com. Xi noc urut pain ta ara caca pain ca cwirin' jein ca caracat nuhu' ta tococwa.

João 10:41

Mija ac caca na oro wari' co hwet nonon pain i cain quem. Tomi' ca' nana: João cara pane, om paxi' na ca an hwet cain ca hwara' opa wa pane, om paxi' na ca ara cain ca om ara taxi' ne ca wari' wa pane. Ane iri'o' ne oro ca tomi' hwet nucun con Jeju ne. Iri'o' iri'o' pi' pin na con ta na ca tomi' caca ma'.

Atos 5:26

Maji cocon ta ac ca na taramaxicon ma', ja' ja' ac cocon na oro guarda. Cut qui' ac tococwa na oro apóstolo quem. Tomi' toto tata, om ca quep em' tococwa. Xi jin' ara tococwa oro wari' ta. To' to' cono' pin tatarapari' xi' pain pacun ma nana.